امریکی صدر کا وزیراعظم کو کرکٹ بیٹ کا تحفہ
ڈونلڈ ٹرمپ نے عمران خان کو سابق امریکی صدر آئیزن ہاور کی تصویر کا بھی تحفہ دیا
ذیشان مہتاب منگل 23 جولائی 2019 10:31
واشنگٹن (اردو پوائنٹ تازہ ترین اخبار۔ 23جولائی2019ء) امریکی صدر ڈونلڈ ٹرمپ نے وزیراعظم عمران خان کو کرکٹ بیٹ کے ساتھ ساتھ جنگ عظیم دوم میں اتحادی فوج کے کمانڈر انچیف اورسابق امریکی صدر آئیزن ہاور کی تصویر تحفے میں دی ہے۔آئیزن ہاور پاکستان میں سٹیڈیم میں بیٹھ کر میچ دیکھنے والے واحد امریکی صدر ہیں،امریکی صدر آئیزن ہاور نے 1959ءمیں پاکستان کا دورہ کیا تھا اور کراچی کے نیشنل کرکٹ سٹیڈیم میں پاکستان اور آسٹریلیا کا میچ دیکھا تھا،آئیزن ہاور نے پاکستانی کرکٹ ٹیم کے کھلاڑیوں سے ملاقات بھی کی تھی۔گزشتہ روز ڈونلڈ ٹرمپ اور عمران خان کے درمیان واشنگٹن میں ملاقات ہوئی تھی جس کے دوران امریکی صدر نے مسئلہ کشمیر پر ثالثی کی پیشکش کی تھی۔اس موقع پر امریکی صدر پاکستان اور بھارت کے درمیان بہتر تعلقات کی امید کا اظہار کرتے ہوئے کہا تھا کہ دورہ پاکستان کی دعوت دی گئی تو ضرور جاﺅں گا۔
وزیراعظم عمران خان سے ملاقات میں ڈونلڈ ٹرمپ نے افغانستان سے متعلق پاکستان کے کردار کو سراہا اور کہا کہ پاکستان افغانستان کے حوالے سے ہماری بہت معاونت کررہا ہے۔انہوں نے کہا کہ امریکہ خطے کا پولیس والا نہیں بننا چاہتا، پاکستان افغانستان سے نکلنے میں ہماری کافی مدد کر رہا ہے اور پاکستان افغانستان میں لاکھوں جانیں بچانے کا سبب بنے گا۔
(جاری ہے)
وقت اشاعت : 23/07/2019 - 10:31:18
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
آئی سی سی ویمنز ٹی ٹونٹی ورلڈ کپ کوالیفائر ، سری لنکا اور آئرلینڈ نے اپنے میچز جیت لئے
-
سابق زمبابوین کرکٹر گائے وٹل چیتے کے حملے میں زخمی ہوگئے
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
پاکستان ویمنز ٹیم کی سابق کپتان بسمہ معروف کا بین الاقوامی کرکٹ سے ریٹائرمنٹ کا اعلان
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی