گلوبل ٹی ٹونٹی کرکٹ لیگ اختتامی مرحلے میں داخل،

ٹورنٹو (اُردو پوائنٹ اخبارتازہ ترین - اے پی پی۔ 09 اگست2019ء) کینیڈین کرکٹ بورڈ کے زیر اہتمام گلوبل ٹی ٹونٹی کرکٹ لیگ کا دوسرا ایڈیشن اپنے اختتامی مرحلے میں داخل ہوگیا ہے۔ برامپٹن والوز اور وائنی پیگ ہاکس کے درمیان کوالیفائر ٹو میچ (آج) ہفتہ کو برامپٹن کے مقام پر کھیلا جائے گا۔ تفصیلات کے مطابق کینیڈا میں گلوبل ٹی ٹونٹی کرکٹ لیگ جاری ہے جس میں کانٹے دار مقابلوں کا سلسلہ اپنے عروج کو پہنچ چکا ہے۔

لیگ اختتامی مرحلے میں داخل ہوگئی ہے۔

(جاری ہے)

دفاعی چیمپئن وان کوور نائٹس کی ٹیم لیگ کے فائنل میں پہنچ چکی ہے۔ برامپٹن والوز اور وائنی پیگ ہاکس کے درمیان کوالیفائر ٹو میچ (آج) ہفتہ کو برامپٹن کے مقام پر کھیلا جائے گا جو ٹیم فاتح قرار پائے گی اس کا مقابلہ فائنل میچ میں دفاعی چیمپئن وان کوور نائٹس سے ہوگا۔ گلوبل ٹی ٹونٹی کرکٹ لیگ میں شرکت کرنے والی ٹیموں کے درمیان فائنل سمیت 22 میچز کھیلے جائیں گے ۔ گلوبل ٹی ٹونٹی کرکٹ لیگ کا فائنل میچ دو فائنلسٹ ٹیموں کے درمیان (کل) اتوار کو برامپٹن کے مقام پر کھیلا جائیگا۔