کالن ایکرمین نے منفرد ٹی ٹونٹی ریکارڈ اپنے نام کرلیا

لندن(اردو پوائنٹ تازہ ترین اخبار۔11 اگست 2019ء) لیسٹر شائر کے جنوبی افریقی سپن باﺅلر کالن ایکر مین ٹی ٹونٹی کرکٹ میں سات وکٹیں حاصل کرنے والے پہلے گیند بازبن گئے۔ انہوں نے یہ اعزاز انگلش ٹی ٹونٹی بلاسٹ میں برمنگھم بیئرز کیخلاف حاصل کیا،28 سالہ کالن ایکرمین کے شکارو ں میں مائیکل برجیز،سیم ہائین ،ول رہوڈز،لیام بینکس،ایلیکس تھامپسن، ہینری بروکس اور جیتن پٹیل شامل تھے،کالن ایکرمن نے چار اوورز میں صرف 18 رنز دے کر سات کھلاڑیوں کو آﺅٹ کیا اور ٹی ٹونٹی کرکٹ میں نیا ریکارڈ قائم کر دیا جو ٹی ٹونٹی کی تاریخ میں بہترین باﺅلنگ کا ہے۔

کرکٹ کے مختصرترین فارمیٹ میں اب تک کوئی باﺅلر ایک اننگز میں سات کھلاڑی آﺅٹ نہیں کر سکا تھا۔ اس سے پہلے یہ ریکارڈ ملائیشیا سے تعلق رکھنے والے باﺅلر ارول سوپیاہ کے پاس تھا جنہوں نے 2011 ءمیں سمرسیٹ کی طرف سے کھیلتے ہوئے گلیمورگن کے چھ کھلاڑی صرف پانچ رنز کے عوض پویلین واپس روانہ کیے تھے۔

(جاری ہے)

اس تباہ کن باﺅلنگ کی بدولت کالن ایکرمن کی ٹیم لیسٹرشائر نے برمنگھم بیئرز کو 55 رنز سے شکست دی۔ کالن ایکرمن اس شاندار پرفارمنس پر پلئیر آف دی میچ بھی قرار پائے۔