سری لنکا کے پاکستان میں ٹیسٹ میچ کھیلنے سے انکار کی وجہ سامنے آگئی
لنکن بورڈ بظاہر سکیورٹی سے مطمئن تاہم کھلاڑیوں کو آزادانہ نقل و حرکت نہ ملنے پر تشویش
ذیشان مہتاب جمعہ 23 اگست 2019 11:11
لاہور(اردو پوائنٹ تازہ ترین اخبار۔ 23اگست2019ء) سری لنکا کے پاکستان میں ٹیسٹ میچ کھیلنے سے انکار کی وجہ سامنے آگئی ۔تفصیلات کے مطابق مارچ 2009ءمیں سری لنکن ٹیم پر لاہور میں حملہ ہوا تھا جس نے پاکستان کو انٹرنیشنل کرکٹ کیلئے نوگو ایریا بنا دیا،گوکہ سابقہ پی سی بی انتظامیہ کی کوششوں سے ملکی میدان آباد ہوئے مگر اس دوران صرف محدود اوورز کے میچز ہی ہو سکے تھے، اب بورڈ حکام ملک میں ٹیسٹ کرکٹ بھی واپس لانا چاہتے ہیں،اس حوالے سے سری لنکا کو ہی رواں برس دورے پر قائل کرنے کی کوشش ہو رہی تھی۔آئی لینڈرز کا ٹور ممکنہ طور پر2 حصوں میں تقسیم ہو گا، ستمبر اور اکتوبر میں 2 ٹیسٹ اور پھر دسمبر میں 3 ٹی ٹونٹی اور اتنے ہی ون ڈے میچز کھیلے جائیں گے، بورڈ نے کئی ماہ قبل سری لنکن بورڈ کو دعوت دی تھی کہ وہ کراچی اور لاہور میں ٹیسٹ میچز کھیلنے کیلئے ٹیم کو بھیجے مگرسری لنکن کرکٹ بورڈ نے سکیوٹی ٹیم کی مثبت رپورٹ ملنے کے باوجود پاکستان میں ٹیسٹ میچ کھیلنے سے انکارکردیا۔
ذرائع کے مطابق گوکہ بظاہر سری لنکا پاکستان میں سکیورٹی انتظامات سے مطمئن ہے مگر اسے کھلاڑیوں کے ہوٹل تک محدود رہنے پر اعتراض تھا، حکام کا خیال ہے کہ ٹیسٹ میچز 10روز تک ہوں گے اور درمیان میں 3دن کا وقفہ بھی ضروری ہے، کم از کم یہ ٹور 15روز کا ہوگا۔اس دوران کھلاڑیوں کیلیے یہ ممکن نہیں کہ وہ سٹیڈیم جائیں اور پھر ہوٹل میں رہیں ، پاکستان میں ابھی حالات ایسے بھی نہیں کہ وہ یو اے ای کی طرح آزادانہ گھومتے رہیں،لنکن بورڈ نے پی سی بی کو تین ون ڈ ے میچز کی سیریز کھیلنے کے لیے پاکستان آنے کی تجویز دی ہے۔
(جاری ہے)
وقت اشاعت : 23/08/2019 - 11:11:01
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انگلش پریمیئر لیگ میں (کل) مزید 2کھیلے جائیں گے
-
پاکستان اورویسٹ انڈیز کی ویمن ٹیموں کے درمیان ون ڈے سیریز کا دوسرا میچ 21 اپریل کو کھیلا جائے گا
-
ورلڈ اوپن اسکواش،پاکستان کے حمزہ خان مین ڈراز میں شامل
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
سابق آسٹریلوی کرکٹر اسٹیورٹ لا امریکی کرکٹ ٹیم کے ہیڈ کوچ مقرر
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد