دورہ پاکستان، سری لنکن کرکٹرز ناک بھوں چڑھانے لگے
نیروشن ڈکویلا اور تھیسارا پریرا کا پاکستان جانے سے انکار
ذیشان مہتاب جمعرات 29 اگست 2019 12:29
کولمبو (اردو پوائنٹ تازہ ترین اخبار۔ 29اگست2019ء) سری لنکن کرکٹرز دورئہ پاکستان پر ناک بھوں چڑھانے لگے ،کچھ کھلاڑی کیریبیئن پریمیئر لیگ کے دوران ٹور شیڈول کرنے پر خوش نہیں ہیں ۔پاکستان ستمبر،اکتوبر میں3 ون ڈے اور اتنے ہی ٹی ٹونٹی میچزکیلئے سری لنکن ٹیم کی اپنے ملک میں میزبانی کرےگا،2 ٹیسٹ کی سیریز دسمبر میں کھیلی جائے گی۔حال ہی میں دونوں بورڈزکے درمیان اس حوالے سے باقاعدہ معاہدہ طے پاگیا۔ البتہ بڑی رکاوٹ پلیئرز کی صورت میں سامنے آرہی ہے جو دورے میں دلچسپی نہیں رکھتے، خاص طور پر وکٹ کیپر بیٹسمین نروشن ڈیکویلا اور آل راﺅنڈر تھشارا پریرا کے نام سامنے آئے جوباہمی سیریز کیلئے پاکستان نہیں جانا چاہتے۔رپورٹ میں یہ بھی دعویٰ کیا گیا کہ کچھ دیگرکرکٹرز بھی ایسی ہی سوچ رکھتے ہیں مگر ابھی ان کے نام سامنے نہیں آئے، نیروشن ڈکویلا اور تھیسارا پریرا کیریبیئن پریمیئر لیگ کھیلنے کے خواہاں اور اس سلسلے میں بورڈ سے باقاعدہ اجازت کیلئے درخواست کرچکے ہیں، سی پی ایل 4 ستمبر سے 12 اکتوبر تک کھیلی جائےگی۔
سلیکٹرز نے جن ابتدائی 24 ممکنہ کھلاڑیوں کا انتخاب کیا ان میں یہ دونوں بھی شامل ہیں،اس لیے وہ جانا چھڑانا چاہتے ہیں۔ ڈیکویلا کی خدمات سی پی ایل ٹیم سینٹ لوشیا سٹارز نے حاصل کیں جبکہ ہارڈ ہٹنگ آل راﺅنڈر پریرا بھی اسی کا حصہ ہیں،ان دونوں کے ہمراہ لاستھ مالنگا اور اسورو ادانا نے بھی سی پی ایل کیلئے مختلف ٹیموں سے معاہدے کررکھے ہیں۔پاکستان اور سری لنکا کے کرکٹ بورڈ نے پہلے سے طے شدہ پروگرام کو تبدیل کرتے ہوئے پہلے محدود اوورز کے میچز اور بعد میں ٹیسٹ سیریز کھیلنے کا فیصلہ کیا۔ پی سی بی کی خواہش تھی کہ وہ سری لنکا کی 2 ٹیسٹ میچزمیں میزبانی کرے مگر ایس ایل سی سینئر فارمیٹ کیلئے ٹیم بھیجنے پر راضی نہیں ہوا۔یاد رہے کہ 2009 ءمیں سری لنکن ٹیم پر ہی لاہور میں دہشتگرد حملہ ہوا تھا جس کے بعد پاکستان انٹرنیشنل کرکٹ کیلئے نوگو ایریا بن گیا، ان 10 برس کے دوران زمبابوے (2015ئ)، ورلڈ الیون (2017ئ)، سری لنکا (2017ئ) اور ویسٹ انڈیز (2018ئ) نے سفید بال کی کرکٹ کیلئے پاکستان کا رخ کیا۔
(جاری ہے)
وقت اشاعت : 29/08/2019 - 12:29:21
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
ون ڈے سیریز میں ویسٹ انڈیز ویمنز کا پاکستان ویمنز کے خلاف کلین سوئپ، تیسرا ون ڈے انٹرنیشنل 88 رنز سے جیت لیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات
-
شاہین نے رضوان کو ٹی ٹوئنٹی کا بریڈمین قرار دے دیا
-
دبئی میں ہونیوالے کراٹے کمبیٹ میں بھارتی حریف کو شکست دینے والا کھلا ڑی شاہ زیب رند کوئٹہ پہنچ گیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات مشیر کھیل سے صوبے میں پختونخوا کرکٹ لیگ کے انعقاد کے حوالے سے تبادلہ خیال
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے