انتقال سے قبل عبدالقادر نے عمران خان کے بارے میں کیاکہاتھا؟ جانئے
عمران نے ٹرمپ کے سامنے جس فخر کیساتھ ٹانگ پر ٹانگ رکھ کر بات کی دنیا میں کسی کی ہمت نہیں تھی کہ اس انداز پر کشمیر کی بات کرے:لیگ سپنر
ذیشان مہتاب ہفتہ 7 ستمبر 2019 14:04
لاہور(اردو پوائنٹ تازہ ترین اخبار7ستمبر۔2019ء) پاکستانی کرکٹ ٹیم کے سپن لیجنڈ عبدالقادر گزشتہ شب لاہور میں انتقال کرگئے، وہ حرکت قلب بند ہوجانے کے بعد ہسپتال لے جاتے ہوئے راستے میں ہی خالق حقیقی سے جا ملے۔انتقال سے ایک دن پہلے لاہور میں ایک تقریب میں عبدالقادر کا کہنا تھا کہ اگر عمران خان نے غربت اور معیشت کو کنٹرول کر لیا تو پاکستان کو اس جیسا لیڈر نہیں مل سکتا۔انہوں نے مزید کہا کہ عمران خان نے وائٹ ہاﺅس میں ٹرمپ کے سامنے جس پرائیڈ کے ساتھ ٹانگ پر ٹانگ رکھ کر بات کی تھی پوری دنیا میں کسی کی ہمت نہیں تھی کہ اس انداز پر کشمیر کی بات کرے، ان کا کہنا تھا کہ عمران خان نے 70 سال میں مودی کو للکارا اور کشمیر کو آزادی کے قریب لے آئے ہیں۔کرکٹ حلقوں میں ’باﺅ‘ کے نام سے شہرت رکھنے والے عبدالقادر نے پیش امام کے گھر آنکھ کھولی، وہ غریب فیملی سے عالمی شہرت یافتہ سپنر بنے لیکن کلمہ حق بولنے سے نہیں ڈرتے تھے۔
گزشتہ سال اگست میں عمران خان نے وزیر اعظم کا حلف لینے کےلئے اپنے جن بے تکلف دوستوں کو مدعو کیا تو ان میں عبدالقادر بھی شامل تھے۔وزیر اعظم ہاﺅس میں اس تقریب کے بعد عمران خان نے پرانے کرکٹر دوستوں کے ساتھ نشست میں اپنی اس پرانی خواہش کا اظہار کیا کہ ڈپارٹمنٹ کی ٹیموں کو ختم کرنا ناگزیر ہے تو عبدالقادر نے بر ملا کہا کہ عمران ان سب میں سے کسی میں ہمت نہیں ہے کہ کچھ بولے مگر براہ مہربانی ڈپارٹمنٹ کی ٹیموں کو بند نہ کرنا یہ بڑی غلطی ہوگی۔عینی شاہدین کے مطابق عمران خان مسکرائے بغیر نہ رہ سکے کیونکہ انہیں علم تھا کہ عبدالقادر سچ بولے بغیر نہیں رہ سکتے۔عبدالقادر نے 67 ٹیسٹ اور 104 ایک روزہ میچز میں پاکستان کی نمائندگی کی، انکا شمار دنیائے کرکٹ کے مایہ ناز سپنرز میں ہوتا تھا عبدالقادر نے ٹیسٹ کرکٹ میں 236 اور ون ڈے میں 132 وکٹیں حاصل کیں۔عبدالقادر کو جب1982ءکے دورہ انگلینڈ میں عمران خان نے پاکستان ٹیم میں شامل کیا تو انگلش ماہرین اور کرکٹرز اس جادوگر کو دیکھ کر حیران رہ گئے انہیں مشرق کے جادوگر کا نام دیا گیا۔
(جاری ہے)
وقت اشاعت : 07/09/2019 - 14:04:42
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پاکستان اور نیوزی لینڈ کی کرکٹ ٹیموں کے درمیان چوتھا ٹی20 میچ جمعرات کو قذافی سٹیڈیم لاہورمیں کھیلا جائے گا
-
ون ڈے سیریز میں ویسٹ انڈیز ویمنز کا پاکستان ویمنز کے خلاف کلین سوئپ، تیسرا ون ڈے انٹرنیشنل 88 رنز سے جیت لیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات
-
شاہین نے رضوان کو ٹی ٹوئنٹی کا بریڈمین قرار دے دیا
-
دبئی میں ہونیوالے کراٹے کمبیٹ میں بھارتی حریف کو شکست دینے والا کھلا ڑی شاہ زیب رند کوئٹہ پہنچ گیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات مشیر کھیل سے صوبے میں پختونخوا کرکٹ لیگ کے انعقاد کے حوالے سے تبادلہ خیال