سری لنکن کھلاڑیوں کا دورہ پاکستان سے انکار
انکار کرنےوالے کھلاڑیوں میں ٹی ٹونٹی کپتان لاستھ مالنگا، ون ڈے کپتان دیموتھ کرونارتنے ، سابق کپتان انجیلو میتھیوز شامل
ذیشان مہتاب ہفتہ 7 ستمبر 2019 15:11
کولمبو(اردو پوائنٹ تازہ ترین اخبار7ستمبر۔2019ء) سری لنکن کرکٹ ٹیم کے سینئر کھلاڑیوں نے رواں ماہ پاکستان میں ہونے والی ون ڈے اور ٹی ٹونٹی سیریز کے لیے پاکستان آکر کھیلنے سے انکار کردیا۔سری لنکا کے وزیر کھیل ہارین فرنینڈو نے گزشتہ ماہ ایک پریس کانفرنس کی تھی جس میں انہوں نے اعلان کیا تھا کہ سری لنکن کرکٹ ٹیم پاکستان جا کر ون ڈے اور ٹی ٹونٹی سیریز کھیلے گی، اس پریس کانفرنس کے بعد پی سی بی کے چیئرمین احسان مانی نے سری لنکا کے وزیر کھیل ہارین فرنینڈو سے ٹیلی فونک رابطہ کیا تھا، جس میں یہ طے ہوا تھا کہ رواں ماہ سری لنکن کرکٹ ٹیم پاکستان آکر ون ڈے اور ٹی ٹونٹی سیریز کھیلے گی اور اس کے بعد دونوں ممالک کے درمیان ٹیسٹ سیریز کا انعقاد کیا جائے گا۔اب سری لنکن کرکٹ ٹیم کے متعدد سینئر کھلاڑیوں نے پاکستان آکر کھیلنے سے منع کردیا ہے، انکار کرنے والے کھلاڑیوں میں ٹی ٹونٹی کرکٹ ٹیم کے کپتان لیستھ ملنگا، ون ڈے کرکٹ ٹیم کے کپتان دیموتھ کرونارتنے اور سری لنکن کرکٹ ٹیم کے سابق کپتان انجیلو میتھیوز شامل ہیں۔
وزیر کھیل ہارین فرنینڈو کے مطابق کھلاڑیوں کے انکار کرنے کی وجہ ان کے اہل خانہ ہیں جنہوں نے سکیورٹی خدشات کی وجہ سے کھلاڑیوں کو سیریز کھیلنے کے لیے پاکستان جانے سے منع کردیا ہے۔سری لنکا کے وزیرِ کھیل کا کہنا ہے کہ میں خود کھلاڑیوں کے ساتھ پاکستان آنے کے لیے تیار ہوں۔انہوں نے کہا کہ کھلاڑیوں کو راضی کرنے کے لیے سری لنکن کرکٹ حکام 9 ستمبر کو تمام کھلاڑیوں سے ملاقات کریں گے۔
(جاری ہے)
وقت اشاعت : 07/09/2019 - 15:11:08
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
کیا محمد رضوان آئرلینڈ جائیں گے؟ بابر اعظم نے بتا دیا
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا
-
نیشنل ویمنز ون ڈے ٹورنامنٹ میں کراچی ، لاہور اور ملتان نے اپنے میچز میں کامیابی حاصل کرلی
-
چیئرمین پی سی بی کی دعوت پر بے سہارا ،یتیم بچے پاک نیوزی لینڈ سیریز کا چوتھا میچ دیکھیں گے
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر