ڈومیسٹک سیزن20-2019ء کے لیے میڈیا پاسزتیار

لاہور، کراچی، ملتان اور راولپنڈی سے تعلق رکھنے والے صحافی اپنے میڈیا پاسز پی سی بی کے نمائندگان سے وصول کرسکتے ہیں،حکام پی سی بی

بدھ 11 ستمبر 2019 16:05

ڈومیسٹک سیزن20-2019ء کے لیے میڈیا پاسزتیار
اسلام آباد(اُردو پوائنٹ اخبارتازہ ترین - این این آئی۔ 11 ستمبر2019ء) پاکستان کرکٹ بورڈ نے اپنی میڈیا سروسز میں بہتری اور میڈیا نمائندگان کو احسن انداز میں ذمہ داریاں نبھانے کے لیے سہولیات فراہم کرنے کے سلسلے میں ڈومیسٹک سیزن 20-2019 کے لیے پاسز تیار کرلیے ہیں۔میڈیا پاسز کا اجراء رواں سال 26 جولائی سے 16 اگست تک جاری رہنے والے میڈیا رجسٹریشن عمل سمیت متعلقہ اداروں کے عہدیداران کی جانب سے فراہم کی گئی معلومات کے بعد کیا گیا ہے۔

لاہور، کراچی، ملتان اور راولپنڈی سے تعلق رکھنے والے صحافی اپنے میڈیا پاسز پی سی بی کے نمائندگان سے وصول کرسکتے ہیں جبکہ دیگر شہروں سے تعلق رکھنے والے صحافیوں کو میڈیا پاسز ان کی جانب سے فراہم کیے گئے پتے پر بذریعہ ڈاک بھجوائے جارہے ہیں۔

(جاری ہے)

معزز صحافی اپنے پاسز دکھا کر میڈیا ورکنگ ایریاز میں جانے کے ساتھ ساتھ پی سی بی کے زیراہتمام پریس کانفرسز سمیت دیگر تقاریب میں شرکت کرسکتے ہیں۔

بیان کیمطابق یہ پاسزبین الاقوامی مقابلوں اور ایچ بی ایل پی ایس ایل 2020 کے لیے استعمال نہیں کیے جاسکتے ہیں، ان ایونٹس کے لیے ایکریڈیشن کا عمل جلد شروع کردیا جائے گا۔بیان کے مطابق لاہور سے تعلق رکھنے والے صحافیوں سے کہاگیاکہ 11 سے 12 ستمبر دوپہر 12 سے شام 4 بجے تک، فار اینڈ بلڈنگ قذافی اسٹیڈیم لاہور میں کیل خان سے رابطہ کیا جائیگا تیرہ کو صبح11 سے شام 4 بجے تک، فار اینڈ بلڈنگ قذافی اسٹیڈیم لاہور میںشکیل خان سے رابطے کی درخواست کی گئی ہے جبکہ کراچی سے تعلق رکھنے والے میڈیا سے درخواست کی گئی ہے کہ وہ 11 سے 12 ستمبر کودوپہر 12 سے شام 4 بجے تک نیشنل اسٹیڈیم میں عماد حمید سے رابطہ کریں اور اسی طرح تیرہ ستمبر کو صبح 11 سے شام 4 بجے تک یو بی ایل اسپورٹس کمپلیکس میں حماد حمید سے رابطہ کریں ۔

ملتان سے تعلق رکھنے والے میڈیا نمائندگان سے کہاگیا ہے کہ 16 سے 20 ستمبر کو صبح 11 سے شام 4 بجے تک ملتان کرکٹ اسٹیڈیم میں مدثر تارڑ کریں جبکہ اسلام آباد اور راولپنڈی سے تعلق رکھنے والے صحافیوں سے کہاگیاکہ 11 سے 18 ستمبر تک صبح 11 سے شام 4بجے تک ، پنڈی کرکٹ اسٹیڈیم میں نثار احمد سے رابطہ کیا جائے ۔
وقت اشاعت : 11/09/2019 - 16:05:17

مزید متعلقہ خبریں پڑھئیے‎ :