قائداعظم ٹرافی کے پہلے راوٴنڈ کا کھیل مکمل

آصف علی اور محمد نواز نے ناردرن کرکٹ ٹیم کو اننگز کی شکست سے بچالیا، قذافی اسٹیڈیم لاہور اور یو بی ایل اسپورٹس کمپلیکس کراچی میں کھیلے گئے دونوں میچز ڈرا ہوگئے

منگل 17 ستمبر 2019 20:23

قائداعظم ٹرافی کے پہلے راوٴنڈ کا کھیل مکمل
لاہور (اُردو پوائنٹ اخبارتازہ ترین۔ 17 ستمبر2019ء) فالو آن کا شکار ہونے والی ناردرن کرکٹ ٹیم آصف علی اور محمد نواز کی سنچریوں کی بدولت خیبرپختوانخوا کے خلاف میچ ڈرا کرنے میں کامیاب ہوگئی۔آصف علی نے 18 چوکوں اور 3 چھکوں کی بدولت 114 رنز بنائے۔ محمد نواز نے 100 رنز اسکور کیے۔ ان کی اننگز میں 15 چوکے اور 2 چھکے شامل تھے۔

عمر امین نے 80 اور روحیل نذیر نے 46 رنز بنائے۔

مجموعی طور پر میچ میں 5 کھلاڑی کو پویلین کی راہ دکھانے والے ذوہیب خان نے دوسری اننگز میں 2 کھلاڑیوں کو آوٴٹ کیا۔اس سے قبل ناردرن کرکٹ ٹیم نے بطور مہمان ٹیم ٹاس کیے بغیر باوٴلنگ کا اعلان کیا تھا۔ خیبرپختوانخوانے136.4 اوورز میں 9 وکٹوں کے نقصان پر 526 رنز بنا کر اننگز ڈکلیئر کردی تھی۔

(جاری ہے)

کپتان محمد رضوان 176 رنز بنا کر نمایاں رہے۔شاداب خان نے 4 کھلاڑیوں کو آوٴٹ کیا۔

جواب میں ناردرن کی پوری ٹیم 262 رنز بنا کر آوٴٹ ہوگئی۔ فرسٹ کلاس کرکٹ میں اپنا ڈیبیو کرنے والے حیدر علی نے 99 رنز اسکور کیے تھے۔

سنٹرل پنجاب اور سدرن پنجاب کے درمیان قذافی اسٹیڈیم میں کھیلا جانے والا میچ بغیر کسی نتیجے کے ختم ہوگیا۔میچ کے اختتام تک سدرن پنجاب نے دوسری اننگز میں 30 اوورز میں 107 رنز بنائے اور اس کا ایک کھلاڑی آوٴٹ ہوا تھا۔

سمیع اسلم 50 اور عمر صدیق 18 رنز بنا کر ناٹ آوٴٹ رہے۔ سدرن پنجاب کی جانب سے آوٴٹ ہونے والے واحد بلے باز کپتان شان مسعود تھے جو32 رنز بناکر ظفر گوہر کا شکار بنے۔ اس سے قبل سنٹرل پنجاب نے میچ کے آخری روز 348 رنز 5 کھلاڑی آوٴٹ سے اننگز کا آغاز کیا تو محمد سعد 41 اور فہیم اشرف 30 رنز بنا کر کریز پر موجود تھے۔ محمد سعد 70 اور فہیم اشرف 56 رنز بناکر آوٴٹ ہوئیتاہم پوری ٹیم 473 رنز بنا کر آوٴٹ ہوگئی۔

بلال آصف اور وقاص مقصود کے درمیان 10ویں وکٹ کے لیے 47 رنز کی شراکت قائم ہوئی۔اس سے قبل سدرن پنجاب نے ٹاس جیت کر پہلے بیٹنگ کا فیصلہ کیا تھا۔ سمیع اسلم کے 243 رنز کی بدولت سدرن پنجاب نے 467 رنز بنائے تھے۔

یو بی ایل اسپورٹ کمپلیکس کراچی میں کھیلا گیا میچ بھی بے نیتجہ رہا۔ سندھ کی جانب سے اسکور کیے گئے 473 رنز کے جواب میں بلوچستان کرکٹ ٹیم نے 173 اوورز میں 355 رنز بنائے اور اس کے 9 کھلاڑی آوٴٹ ہوئے تھیکہ میچ کے لیے مقررہ وقت ختم ہوگیا۔

امام الحق 152 رنز بنا کر آوٴٹ ہوئے۔ 514 منٹ کریز پر موجود رہنے والے امام الحق نے 352 گیندوں پر 18 چوکے لگائے۔ سندھ کی جانب سے کاشف بھٹی اور اسد شفیق نے 3،3 کھلاڑیوں کو آوٴٹ کیا۔بلوچستان کی جانب سے 10ویں نمبر پر بیٹنگ کرنے والے خرم شہزاد نے 44 رنز اسکور کیے۔ میچ کے آخری روز بلوچستان کی جانب سے امام الحق نے 111 اور عمران فرحت نے 16 رنز سے اننگز کا آغاز کیا تھا۔ اس سے قبل بلوچستان کرکٹ ٹیم نے نوٹاس قانون کا استعمال کرتے ہوئے پہلے باوٴلنگ کرنے کا اعلان کیا تھا۔ عابد علی کے ناقابل شکست 249 رنز کی بدولت سندھ نے 473 رنز بنائے تھے کہ کپتان سرفراز احمد نے اننگز ڈکلیئر کردی۔بلوچستان کی جانب سے یاسر شاہ نے 3 کھلاڑیوں کو آوٴٹ کیا۔
وقت اشاعت : 17/09/2019 - 20:23:23

مزید متعلقہ خبریں پڑھئیے‎ :