قومی جونیئر انفرادی سکواش چیمپئن شپ شروع ہو گئی

․ اسلام آباد ۔ (اُردو پوائنٹ اخبارتازہ ترین - اے پی پی۔ 19 ستمبر2019ء) پاکستان سکواش فیڈریشن کے زیراہتمام قومی جونیئر انفرادی سکواش چیمپئن شپ مصحف سکواش کمپلیکس میں شروع ہو گئی۔

(جاری ہے)

پاکستان سکواش فیڈریشن کے سیکرٹری جنرل گروپ کیپٹن طاہر سلطان نے بتایاکہ چیمپئن شپ میں تین مختلف کیٹگریز کے مقابلے منعقد ہونگے جن میں بوائز انڈر۔17، بوائز انڈر۔19 اور گرلز انڈر۔19 کے مقابلے شامل ہیں۔ چیمپئن شپ 23 ستمبر تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ چیمپئن شپ میں تین لاکھ کی انعامی رقم رکھی گئی ہے۔