سری لنکن کپتان تھریما نے کی ویڈیو نے پاکستانیوں کو بھارتی پائلٹ کی یاد دلا دی

لاہور(اردو پوائنٹ تازہ ترین اخبار۔26ستمبر 2019ء) قائم مقام سری لنکن کپتان لاہیرو تھریمانے سوشل میڈیا پر مشہور ہوگئے جن کی ویڈیو نے پاکستانیوں کو رواں سال کے آغاز پر گرفتار بھارتی پائلٹ ونگ کمانڈر ابھینندن کی یاد دلا دی ۔ سوشل میڈیا ویب سائٹ ٹویٹر پر شیئر کردہ ویڈیو میں تھریمانے کہتے نظر آتے ہیں کہ ” ہم دورہ پاکستان کے آغاز کے لیے بہت پرجو ش ہیں ،ہم یہ ثابت کرنا چاہتے ہیں کہ ہم اپنی چائے جتنے ہی بہترین ہیں“۔

(جاری ہے)

پاکستانی شائقین کرکٹ نے تھریمانے کی ویڈیو کو گرفتار بھارتی پائلٹ ونگ کمانڈر ابھی نندن کی تفتیشی ویڈیو کے ساتھ ملانا شروع کردیا،ونگ کمانڈر ابھی نندن کے اس ویڈیو میں کہے گئے الفاظ”چائے بہترین ہے“ اس وقت سے سوشل میڈیا پر وائرل ہیں ۔یاد رہے کہ قومی ٹیم جمعے سے نیشنل کرکٹ سٹیڈیم ، کراچی میں سری لنکا کے خلاف تین ون ڈے میچز کی سیریز کا آغاز کرے گی جو پاکستان میں4سال بعد کھیلے جانے والا پہلا ون ڈے ہوگا ۔