رمیز راجہ کی غلطی پر سوشل میڈیا صارفین کے ہاتھوں دھلائی
لنکن کھلاڑی کے’یس‘ کے باوجود مائیک ترجمان کی جانب بڑھا دیا
ذیشان مہتاب جمعرات 10 اکتوبر 2019 17:41
لاہور(اردو پوائنٹ تازہ ترین اخبار۔10اکتوبر 2019ء) رمیز راجہ کی غلطی پر سوشل میڈیا صارفین کے ہاتھوں ٹرولنگ ہوگئی،یہ مضحکہ خیز صورتحال اس وقت پیش آئی جب پاکستان اور سری لنکا کی ٹی 20 سیریز کی اختتامی تقریب میں کمنٹیٹر رمیز راجہ سری لنکن کھلاڑیوں سے بات چیت کررہے تھے۔جب انہوں نے پاکستان کی تین وکٹیں اڑانے والے سری لنکن لیگ سپنر وانندو ہسارنگا کو بلا کر ان سے بات کرنا چاہی تو ان کے ساتھ سری لنکن ٹیم کے چیف سلیکٹر اسانتھا ڈی میل ان کی ترجمانی کے لیے ساتھ آئے۔واضح رہے کہ سری لنکن لیگ سپنر وانندو ہسارنگا انگلش بولنا نہیں جانتے اور اپنی مقامی زبان بولتے ہیں۔ رمیز راجہ نے جب انگلش میں ان سے سوال کیا کہ کیا یہ آپکی اب تک کی بہترین بالنگ تھی تو اس پر وانندو نے’ یس‘ کہا جس کا مطلب ہے جی ہاں۔
وانندو ہسارنگا کی طرف سے جواب ملنے کے باوجود رمیز راجہ نے مائیک ترجمان کی طرف بڑھادیا تو انہوں نے کہا کہ جی ہاں انہوں نے یس ہی کہا ہے۔ اس پر رمیز راجہ کو صورتحال کی مضحکہ خیزی کا احساس ہوا اور وہ اپنی غلطی پر ایک لمحے کو نادم نظر آئے۔بعد میں یہ ویڈیو سوشل میڈیا پر وائرل ہوگئی اور سوشل میڈیا صارفین نے رمیز راجہ کی ٹرولنگ شروع کردی۔پلیئر آف دی میچ کا ایوارڈ حاصل کرنے والے سری لنکن لیگ سپنر وانندو ہسارنگا نے تیسرے اور آخری ٹی 20 میں 3 پاکستانی کھلاڑیوں کو آﺅٹ کیا اور اپنی ٹیم کے لیے جیت کی راہ ہموار کی۔
(جاری ہے)
وقت اشاعت : 10/10/2019 - 17:41:11
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے