خواہش ہے کہ دوبارہ پاکستان کیلئے کھیلوں:عمران نذیر
ٹی ٹین لیگ میں لاہور قلندر ز کی نمائندگی کروں گا، پی ایس ایل پر بھی نظریں مرکوز ہیں : ٹیسٹ کرکٹر
ذیشان مہتاب پیر 14 اکتوبر 2019 12:45
لاہور (اردو پوائنٹ تازہ ترین اخبار۔14اکتوبر 2019ء) ٹیسٹ کرکٹر عمران نذیر کا کہنا ہے کہ بابر اعظم اور امام الحق بہترین کپتان ثابت ہوسکتے ہیں۔کپتان کے لیے واحد فارمولا صرف پرفارمنس ہونا چاہیے، اس وقت بابر اعظم اور امام الحق ہی دو ایسے بیٹسمین ہیں جن کی پرفارمنس کے ساتھ تکنیک بھی زبردست ہے۔ایک انٹر ویو کے دوران عمران نذیر کا کہنا تھا کہ موجودہ حالات میں سرفراز احمد کپتانی کے دباو میں ہیں جس کی وجہ سے ان کی انفرادی کارکردگی بھی معیاری نہیں رہی، سرفراز نے میدان میں خود کو ہر معاملے میں الجھا رکھا ہے۔ بار بار بولرز کے پاس جاکر سمجھانے سے بولر زیادہ پریشر میں آجاتا ہے اورکپتان پر بھی پریشر بڑھتا جاتا ہے، کپتان خود تھوڑا اعصاب پر کنٹرول رکھے گا تو بہتر فیصلے کرسکے گا۔
جارح مزاج اوپنر کے مطابق سری لنکا کےخلاف ناقص پرفارمنس نے سب کو شرمندہ کیا ہے۔اس سیریز میں جونیئر کھلاڑیوں کو موقع دیا جاتا تو زیادہ مناسب ہوتا، ہم کہہ سکتے کہ نئے لڑکوں کو آزمایا ، اب دورئہ آسٹریلیا میں زیادہ مشکلات پیش آئیں گی۔ آسٹریلوی سرزمین پر جو نتائج ہوسکتے ہیں اس کا اندازہ ابھی سے لگایا جاسکتا ہے، عمران نذیر نے مزید کہا کہ وہ اب مکمل تندرست اور اگلے ماہ ابوظہبی میں ٹی ٹین کرکٹ ٹورنامنٹ میں لاہور قلندرزکی نمائندگی کے لیے محنت کررہے ہیں۔ ان کی خواہش ہے کہ دوبارہ پاکستان کی طرف سے کھیلیں۔
(جاری ہے)
وقت اشاعت : 14/10/2019 - 12:45:59
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
ون ڈے سیریز میں ویسٹ انڈیز ویمنز کا پاکستان ویمنز کے خلاف کلین سوئپ، تیسرا ون ڈے انٹرنیشنل 88 رنز سے جیت لیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات
-
شاہین نے رضوان کو ٹی ٹوئنٹی کا بریڈمین قرار دے دیا
-
دبئی میں ہونیوالے کراٹے کمبیٹ میں بھارتی حریف کو شکست دینے والا کھلا ڑی شاہ زیب رند کوئٹہ پہنچ گیا
-
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات مشیر کھیل سے صوبے میں پختونخوا کرکٹ لیگ کے انعقاد کے حوالے سے تبادلہ خیال
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے