سنٹرل پنجاب نے ناردرن کو سنسنی خیز مقابلے کے بعد 4 وکٹوں سے شکست دے دی

سنٹرل پنجاب کے اوپنر احمد شہزاد کی ناقابل شکست سنچری نے میچ کا پانسہ پلٹ دیا

منگل 15 اکتوبر 2019 18:54

سنٹرل پنجاب نے ناردرن کو سنسنی خیز مقابلے کے بعد 4 وکٹوں سے شکست دے دی

لاہور (اُردو پوائنٹ اخبارتازہ ترین۔ 15 اکتوبر2019ء) ایونٹ کے تیسرے روز اقبال اسٹیڈیم فیصل آباد میں کھیلے گئے پہلے میچ میں سنٹرل پنجاب نے ناردرن کو 4 وکٹوں سے شکست دے دی۔ فاتح ٹیم کی جانب سے اوپنر احمد شہزاد نے ناردرن کی مضبوط باوٴلنگ لائن اپ کوچاروں شانے چت کردیا۔اوپنر نے 13 چوکوں کی مدد سے ناقابل شکست 111 رنز کی دھواں دھار اننگز کھیل کر ٹیم کو فتح دلادی۔

سنٹرل پنجاب کی ٹیم نے 223رنز کا ہدف ایک گیند قبل حاصل کرلیا۔

اس سے قبل ناردرن نے ٹاس جیت کر پہلے بیٹنگ کا فیصلہ کیا۔ ناردرن کی جانب سے اننگز کا آغاز متاثرکن نہ رہا اور محض 59 رنز پر 3 کھلاڑی پویلین واپس لوٹ گئے۔ جس کے بعد مڈل آرڈربیٹسمین آصف علی اور آلراوٴنڈر محمد نواز کے درمیان چوتھی وکٹ کے لیے107 رنز کی شاندار شراکت قائم ہوئی۔

(جاری ہے)

35 گیندوں کا سامنا کرنے والے آصف علی نے 10 چھکوں اور 4 چھوکوں کی مدد سے 93 رنز کی برق رفتار اننگز کھیلی۔ محمد نواز نے 50 رنز بنائے۔کپتان عماد وسیم نے آخری اوور میں 5 گیندوں پر 22 قیمتی رنزجوڑ کر ٹیم کا مجموعہ 222 تک پہنچادیا۔ مقررہ 20 اوورز میں ناردرن کے 6 کھلاڑی پویلین واپس لوٹے۔سنٹرل پنجاب کی جانب سے فہیم اشرف نے 3 کھلاڑیوں کو آوٴٹ کیا۔

جواب میں سنٹرل پنجاب کی اننگز کا آغازبھی متاثرکن نہ تھا۔ سنٹرل پنجاب کے محض 17 رنز پر 2 کھلاڑی پویلین واپس لوٹ چکے تھے۔ کپتان بابر اعظم 4 اور کامران اکمل 6 رنز بنا کر آوٴٹ ہوئے۔ اوپنر احمد شہزاد نیذمہ دارانہ کھیل کا مظاہرہ کیا اور دوسرے اینڈ سے تن تنہا ناردرن کی مضبوط باوٴلنگ لائن اپ کا سامنا کرتے رہے۔

اختتامی اوورز میں سعد نسیم اور فہیم اشرف نے جیت میں کلیدی کردار ادا کیا۔ احمد شہزادنے سعد نسیم کے ساتھ مل کرچھٹی وکٹ کے لیے 80رنز کی شراکت قائم کی۔ سعد نسیم کے آوٴٹ ہونے کے بعد احمد شہزاد اور آلراوٴنڈر فہیم اشرف کے درمیان57 رنز کی شراکت قائم ہوئی۔ سنٹرل پنجاب کی ٹیم نے مطلوبہ ہدف ایک گیند قبل حاصل کرلیا۔ ناردرن کی جانب سے عماد وسیم نے3 کھلاڑیوں کو آوٴٹ کیا۔
ایونٹ میں بدھ کے روز 2 میچز کھیلے جائیں گے۔ پہلے میچ میں خیبرپختونخوا اور سندھ جبکہ دوسرے میچ میں سنٹرل پنجاب اور بلوچستان کی ٹیمیں مدمقابل ہوں گی۔

وقت اشاعت : 15/10/2019 - 18:54:18

Facebook Twitter Reddit Pinterest Whatsapp

مزید متعلقہ خبریں پڑھئیے‎ :

تعلیمی بورڈ سرگودہا کے زیرِ اہتمام انٹرکالجیٹ والی بال اور سکوائش ٹورنامنٹ کا انعقاد

بورڈ آف انٹر میڈیٹ اینڈ سیکنڈری ایجوکیشن سرگودہا کے زیرِِ اہتمام انٹر کالجیٹ والی بال ٹورنامنٹ اورانٹر کالجیٹ سکوائش ٹورنامنٹ کا انعقاد کیا گیا جس میں سکوائش کے فائل مقابلہ میں سپرئیر گروپ کالجز نے پہلی پوزیشن حاصل کی جبکہ والی بال میں پنجاب گروپ آف ... مزید

پی سی بی کراچی کی کرکٹ کو تباہ ہونے سے بچائے اور نئی پالیسی پر نظر ثانی کرے ۔ وقاص قدرت اللہ

کراچی کرکٹ کلب آنرز اور زون کے عہدیدارو ں کا مشترکہ اجلاس سے وقاص قدرت اللہ، نصر اللہ،محمد شاہد اور دیگر نے PCBکی بار بار بدلتی پالیسی اور اس ضمن میں پاکستان کے 18ہزار کرکٹ کلب سے وابستہ ہزاروں کرکٹر زکا مستقبل دائو پر لگ گیا ،PCB اپنی پالیسی کے خلاف فیصلے ... مزید

برطانوی ٹینس کھلاڑی ڈین ایوانز کا بارسلونا اوپن ٹینس مینز سنگلز کے ابتدائی رائونڈ میں سفر تمام

انگلینڈ کے نامور ٹینس کھلاڑی ڈین ایوانز اے ٹی پی بارسلونا اوپن ٹینس ٹورنامنٹ میں مردوں کے سنگلز مقابلوں کے پہلے رائونڈ میں ہار کر ایونٹ سے باہر ہوگئے۔ امریکا کے ٹینس کھلاڑی برینڈن ناکشیما نے اے ٹی پی ایونٹ میں ویمنز سنگلز ابتدائی رائونڈ میں ڈین ایوانز ... مزید

The wife of the former Brazilian football star revealed the unique reason for the divorce
"Uncle never cheated on me, treated ..

سابق برازیلین فٹبال سٹار کی اہلیہ نے طلاق کی انوکھی وجہ بتا دی

تجربہ کار برازیلین فٹ بال سٹار کاکا نے 2005ء میں اپنی بچپن کے پیار کیرولین سیلیکو سے شادی کی لیکن ان کی شادی صرف 10 سال تک چل سکی جب اس جوڑے کے درمیان اختلافات کے بعد ان کی بیوی نے انہیں طلاق دے دی۔ ایک حالیہ انٹرویو میں تجربہ کار فٹبالر کی سابقہ اہلیہ نے ... مزید