سری لنکن بورڈ نے دورہ آسٹریلیا کیلئے پاکستان آنے سے انکار کرنے والے کھلاڑیوں کو نظر انداز کردیا

جمعہ 18 اکتوبر 2019 20:29

سری لنکن بورڈ نے دورہ آسٹریلیا کیلئے پاکستان آنے سے انکار کرنے والے کھلاڑیوں کو نظر انداز کردیا
کولمبو(اُردو پوائنٹ اخبارتازہ ترین - این این آئی۔ 18 اکتوبر2019ء) سری لنکن بورڈ نے دورہ آسٹریلیا کیلئے پاکستان آنے سے انکار کرنے والے کھلاڑیوں کو نظر انداز کردیا۔

(جاری ہے)

سری لنکا نے آسٹریلیا کے خلاف ٹی ٹوئنٹی سیریز کے لیے ٹیم کا اعلان کردیا جس میں لیستھ مالنگا کو کپتان بنایا گیا تاہم پاکستان آنے سے انکار کرنے والے 7 کھلاڑیوں کو نظر انداز کردیا گیا ، مالنگا سمیت انکار کرنے والے کوشل پریرا اور ڈک ویلا کو منتخب کیا ہے۔

دورہ آسٹریلیا کے لیے سری لنکن ٹیم ان کھلاڑیوں پر مشتمل ہے، لیستھ مالنگا (کپتان)، کوشل پریرا، کوشل مینڈس، ڈونشکا گونا تلکے، ایشکا فرنینڈو، ڈک ویلا، ڈوسن شناکا، سہیان جے سوریا، راجا پکسا، اوشاڈا فرنینڈو، وینڈ ہراسنگے، لکشن سنداکن ، نوان پردیپ، لہرو کمارا، لہرو اوڈانا اور کوسن راجیتھا۔واضح رہے سری لنکن ٹیم تین میچوں کی سیریز کا پہلا میچ 27اکتوبر کو ایڈیلیڈ میں کھیلے گی۔
وقت اشاعت : 18/10/2019 - 20:29:19

مزید متعلقہ خبریں پڑھئیے‎ :

متعلقہ عنوان :