پی ایس ایل5،تین ٹیموں کے ہیڈ کوچز کی تبدیلی کا امکان
ڈین جونز کراچی کنگز،مصباح اسلام آباد یونائیڈاور اینڈی فلاور ملتان سلطانز کے ممکنہ کوچز ہوں گے
ذیشان مہتاب جمعرات 7 نومبر 2019 17:34
لاہور(اردو پوائنٹ تازہ ترین اخبار۔7نومبر2019ء) پاکستان سپر لیگ (پی ایس ایل) کے پانچویں ایڈیشن کے پلیئرز ڈرافٹ سے قبل کم از کم 3 ٹیموں کے ہیڈ کوچز تبدیل کیے جانے کا امکان ہے۔ پی ایس ایل 5 آئندہ سال پاکستان میں کھیلی جائےگی جس کےلئے پلیئرز ڈرافٹ دسمبر میں لاہور میں ہوں گے جبکہ ڈرافٹ سے قبل ٹیمیں کوچنگ سٹاف کو حتمی شکل دے رہی ہیں۔سابق چیمپئن اسلام آباد یونائیٹڈ اپنے ہیڈ کوچ ڈین جونز کو فارغ کرنے کا باضابطہ اعلان کرچکی ہے جب کہ کراچی کنگز اور ملتان سلطانز بھی نئے کوچز کے ساتھ لیگ میں شرکت کریں گے،پی ایل ایل 4کی چیمپئن کوئٹہ گلیڈی ایٹرز اور پشاور زلمی کے کوچنگ سٹاف میں کسی تبدیلی کا امکان نہیں ہے۔ ڈین جونز کی جگہ مصباح الحق اسلام آباد یونائٹیڈ کے ہیڈ کوچ ہوں گے، مصباح الحق کے ساتھ نیوزی لینڈ کے سابق وکٹ کیپر بلے باز لیوک رونکی کو اسسٹنٹ کوچ لگائے جانے کا امکان ہے جب کہ سعید اجمل سپن باﺅلنگ کوچ ہوں گے،قومی ٹیم کے باﺅلنگ کوچ وقار یونس اس سیزن میں اسلام آباد یونائیٹڈ کے ساتھ نہیں ہوں گے۔
ذرائع کے مطابق کراچی کنگز بھی مکی آرتھر کو خدا حافظ کہہ دیگی اور ڈین جونز کو فرنچائز کا نیا ہیڈ کوچ مقرر کیے جانےکا امکان ہے ۔ دوسری جانب سابق زمبابوین کرکٹر اور انگلینڈ کے سابق ہیڈ کوچ اینڈی فلاور ملتان سلطانز کے سیٹ اپ میں شامل ہوسکتے ہیں، انکی ملتان سلطانز کے ساتھ بات چیت آخری مراحل میں ہے، اینڈی فلاور پشاور زلمی کے بیٹنگ کنسلٹنٹ بھی رہ چکے ہیں۔خیال رہے کہ مکی آرتھر کو ورلڈ کپ2019ءکے بعد قومی ٹیم کی کوچنگ سے بھی ہٹایا گیا ہے اور انکی جگہ پاکستانی ٹیم کے ہیڈکوچ مصباح الحق ہیں جن کے پاس چیف سلیکٹر کاعہدہ بھی ہے ۔
(جاری ہے)
وقت اشاعت : 07/11/2019 - 17:34:54
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیشنل ویمنز ون ڈے ٹورنامنٹ میں کراچی ، لاہور اور ملتان نے اپنے میچز میں کامیابی حاصل کرلی
-
چیئرمین پی سی بی کی دعوت پر بے سہارا ،یتیم بچے پاک نیوزی لینڈ سیریز کا چوتھا میچ دیکھیں گے
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
قومی نیٹ بال چیمپئن شپ 27جون سے اسلام آباد میں کھیلی جائے گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا