3 قومی کرکٹرز نے پاکستان کرکٹ بورڈ کےخلاف بغاوت کردی
حارث رﺅف ،مرزا احسن بیگ اور سہیل اخترکا پی سی بی کی مخالفت کے باوجود ٹی 10لیگ میں شرکت کا فیصلہ
ذیشان مہتاب بدھ 13 نومبر 2019 17:30
لاہور(اردو پوائنٹ تازہ ترین اخبار۔ 13نومبر 2019ء) تین ابھرتے ہوئے پاکستانی کھلاڑیوں نے پاکستان کرکٹ بورڈ کے خلاف بغاوت کرتے ہوئے این او سی نہ ملنے کے باوجود ٹی 10لیگ کھیلنے کا فیصلہ کرلیا ہے ۔ تفصیلات کے مطابق ٹی 10لیگ 15سے 24نومبر تک شیخ زید کرکٹ سٹیڈیم ،ابوظہبی میں کھیلی جارہی ہے تاہم پی سی بی نے کھلاڑیوں کو لیگ میں شرکت کے لیے این او سی دینے سے انکار کردیا گیا ہے ۔پی سی بی کے اس فیصلے سے14کرکٹرز متاثر ہوئے ہیں جنہوں نے لیگ میں مختلف ٹیموں کے ساتھ معاہدے کررکھے تھے جس کے بعد اب تین کھلاڑیوں نے اپنی اپنی فرسٹ کلاس ٹیموں کو آگا ہ کردیا ہے کہ وہ ٹی ٹین لیگ میں لاہور قلندرز کی نمائندگی کرنے جارہے ہیں ۔فاسٹ باﺅلر حارث رﺅف ،مرزا احسن بیگ اور سہیل اختر نے ابوظہبی جانےکا فیصلہ کرلیا ہے حالانکہ پی سی بی کی جانب سے کسی کھلاڑی کو بھی لیگ میں شرکت کے لیے این او سی نہیں دیا گیا ہے،ان تینوں کھلاڑیوں نے نیشنل ٹی ٹونٹی ٹورنامنٹ کے بعد اپنی اپنی ٹیموں کو آگا ہ کردیا تھا کہ وہ مزید فرسٹ کلاس کرکٹ نہیں کھیلیں گے کیو ں کہ انہیں ٹی 10لیگ میں لاہور قلندرز کی نمائندگی کرنی ہے ۔
ذرائع کے مطابق تینوں کھلاڑیوںنے اپنے اپنے کوچزکو بنیادی طور پر بتا دیا ہے کہ وہ فرسٹ کلاس کرکٹ کھیلنے میں دلچسپی نہیں رکھتے کیوں کہ وہ وائٹ بال سپیشلسٹ ہیں اور ٹیم کو چھوڑ کر چلے گئے ہیں۔ذرائع کا کہنا ہے کہ پی سی بی کی جانب سے ٹی 10لیگ کے لیے این او سی نہ دینے کے فیصلے نے حارث رﺅف جیسے کھلاڑیوں کی مشکلا ت بڑھا دی تھیں کیوں کہ انہیں لاہور قلندرز نے اپنی ٹیلنٹ ہنٹ پروگرام میں تلاش کیا تھا اور وہ ان کے خلاف نہیں جاسکتے تھے ،اگر تینوں کھلاڑیوں نے پی سی بی کی واضح ہدایات کے باوجود ٹی 10لیگ میں شرکت کی تو ان کا انٹر نیشنل کیریئر شاید شروع ہونے سے قبل ہی ختم ہوجائےگا ۔ دوسری جانب پی سی بی حکام نے واضح کیا ہے کہ کھلاڑی دنیا میں کہیں بھی سفر کرنے کے لیے آزاد ہیں لیکن انہیں کسی بھی لیگ میں شرکت کے لیے پی سی بی کی جانب سے این او سی درکار ہوگا۔
(جاری ہے)
وقت اشاعت : 13/11/2019 - 17:30:49
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
پاکستان ویمنز ٹیم کی سابق کپتان بسمہ معروف کا بین الاقوامی کرکٹ سے ریٹائرمنٹ کا اعلان
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
ملک میں ضلعی سطح پر ٹینس کے فروغ کے لئے اقدامات کی ضرورت ہے، قدسیہ راجہ
-
سابق زمبابوین کرکٹر گائے وٹل چیتے کے حملے میں بال بال بچ گئے