پی ایس ایل5،کئی چیمپئن ٹی ٹونٹی کھلاڑی لیگ نہیں کھیلیں گے

لاہور(اردو پوائنٹ تازہ ترین اخبار۔7 دسمبر2019ء) پی ایس ایل سیزن 5 میں نامور ملکی اور غیر ملکی کھلاڑی جگہ نہ بناسکے۔پاکستان ٹیسٹ کرکٹ ٹیم کے کپتان اظہر علی کا نام گولڈ کیٹگری میں موجود تو تھا لیکن کسی بھی ٹیم نے انہیں خریدنے کی زحمت گوارا نہ کی، ٹی ٹونٹی سپیشلسٹ عمران نذیر بھی کسی ٹیم کو متاثر نہ کرسکے، حارث سہیل، محمد سمیع بھی نظر انداز ہو گئے، فاسٹ باﺅلر عمر گل، عابد علی، عمران خان جونیئر، میر حمزہ ، مختار احمد، سعد نسیم، ذوالفقار بابر، عثمان صلاح الدین اور عمران فرحت کو بھی کسی بھی ٹیم نے منتخب نہیں کیا۔

پی ایس ایل کے پانچویں ایڈیشن میں کئی غیر ملکی سٹارز بھی ایکشن میں دکھائی نہیں دے سکیں گے، جنوبی افریقہ کے سابق اوپنر ہاشم آملہ، جے پی ڈومنی، ویسٹ انڈیز کو دو بار ٹی ٹونٹی ورلڈ کپ جتوان والے ڈووین براوو بھی کسی بھی ٹیم کو متاثر نہ کرسکے ،ویسٹ انڈیز ہی کے سپنرسنیل نرائن، ایون لوئیس، سری لنکا کے سابق کپتان انجیلو میتھیوز،آل راﺅنڈر تھیسارا پریرا بھی منتخب نہ ہوسکے، انگلینڈ کے عادل رشید اور ہیری گرنی کو بھی کسی ٹیم نے پک نہ کیا ، بنگلہ دیش کے مجیب الر حمان، افغانستان کے راشد خان اور محمد نبی بھی پاکستان سپر لیگ5 کے دوران ایکشن میں دکھائی نہ دے سکیں گے۔

(جاری ہے)