کیپ ٹاﺅن ٹیسٹ، جوز بٹلر کو اپنی بدزبانی کی سزا مل گئی
انگلش وکٹ کیپر پر ورنن فلینڈر کو میچ میں گالیاں دینے پر میچ فیس کا15فیصدجرمانہ عائد،ایک ڈی میرٹ پوائنٹ بھی دیدیا گیا
ذیشان مہتاب جمعہ 10 جنوری 2020 14:17
کیپ ٹاﺅن (اردو پوائنٹ تازہ ترین اخبار۔ 10جنوری 2020ء) انٹرنیشنل کرکٹ کونسل (آئی سی سی) نے جنوبی افریقہ کے کھلاڑی ویرنون فلینڈر کو میچ کے دوران گالی دینے پر انگلینڈ کرکٹ ٹیم کے وکٹ کیپر بلے باز جوز بٹلر پر میچ فیس کا 15 فیصد جرمانہ عائد کرتے ہوئے ایک ڈی میرٹ پوائنٹ دیدیا ہے۔تفصیلات کے مطابق کیپ ٹاﺅن میں انگلینڈ اور جنوبی افریقہ کے درمیان کھیلے گئے ٹیسٹ میچ کے آخری روز سنسنی خیز لمحات کے دوران جوز بٹلر نے بیٹنگ کیلئے کریز پر موجود ویرنون فلینڈر کو گالی دی جو سٹمپ مائیک میں پکڑی گئی اور ویڈیو سوشل میڈیا پر بھی وائرل ہو گئی۔
آئی سی سی نے نظم و ضبط کی خلاف ورزی پر جوز بٹلر کو ایک ڈی میرٹ پوائنٹ بھی دیا ہے، دو سال کے عرصے میں 4 ڈی میرٹ پوائنٹس حاصل کرنے والے کرکٹرز کو معطل بھی کیا جا سکتا ہے۔آئی سی سی کی جانب سے جاری ہونے والے بیان میں بتایا گیا ہے کہ جوز بٹلر آئی سی سی کے کھلاڑیوں کیلئے وضع کردہ کوڈ آف کنڈکٹ کے آرٹیکل 2.3 کی خلاف ورزی کے مرتکب ہوئے جو کسی انٹرنیشنل میچ کے دوران فحش، نازیبا گفتگو اور گالی وغیرہ دینے سے متعلق ہے۔آئی سی سی ایلیٹ پینل کے ممبر اینڈی پائی کرافٹ نے جوز بٹلر کو جرمانے اور ڈی میرٹ پوائنٹ کی سزا سنائی جو انہوں نے تسلیم کر لی جس کے باعث مزید کارروائی کی ضرورت نہ رہی۔
(جاری ہے)
وقت اشاعت : 10/01/2020 - 14:17:15
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انگلش پریمیئر لیگ میں (کل) مزید 2کھیلے جائیں گے
-
پاکستان اورویسٹ انڈیز کی ویمن ٹیموں کے درمیان ون ڈے سیریز کا دوسرا میچ 21 اپریل کو کھیلا جائے گا
-
ورلڈ اوپن اسکواش،پاکستان کے حمزہ خان مین ڈراز میں شامل
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
سابق آسٹریلوی کرکٹر اسٹیورٹ لا امریکی کرکٹ ٹیم کے ہیڈ کوچ مقرر
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد