مارٹن گپٹل نے لائیونشریات کے دوران مذاق میں چاہل کوہندی میں گالی دیدی

آکلینڈ(اردو پوائنٹ تازہ ترین اخبار۔ 28جنوری 2020ء ) کیوی اوپننگ بیٹسمین مارٹن گپٹل نے لائیو ٹی وی نشریات کے دوران مذاق میں بھارتی لیگ سپنر یوزویندرا چاہل کو ہندی میں ہی گالی دیدی جو صاف سنی گئی۔ دوسرے ٹی 20 میچ کے اختتام پر چاہل نے اینکر سے مائیک لیا اور مارٹن گپٹل کی جانب چل دیے جو بھارتی اوپنر روہت شرما سے بات چیت کررہے تھے۔

(جاری ہے)

چاہل نے وہاں جاکر کہا کہ ’کیا چل رہا دوستوں‘ ،اس وقت ان کے خواب وخیال میں بھی نہیں تھا کہ گپٹل ہندی میں انھیں نامناسب انداز میں پکاریں گے، ان کا جواب سن کر روہت کی ہنسی چھوٹ گئی جب کہ حیران و پریشان چاہل نے فوراً میزبان بیٹسمین کو بتایا کہ وہ اس وقت ٹی وی پر لائیو ہیں۔