ایم سی سی نے لاہور قلندرز کو 4 وکٹوں سے شکست دے دی
مہمان ٹیم کے روی بوپارہ مین آف دی میچ قرار
ہفتہ 15 فروری 2020 13:09
لاہور قلندرز نے پہلے بیٹنگ کرتے ہوئے مقررہ 20 اوورز میں 5وکٹوں کے نقصان پر 135 رنزبنائے۔ جواب میں ایم سی سی نے مطلوبہ ہدف 4گیندیں قبل 6 وکٹوں کے نقصان پر حاصل کرلیا۔ایم سی سی کے روی بوپارہ نے میچ کے دوران اہم موقع پر42رنزبناکرجیت میں اہم کردار ادا کیا۔
مارلی بون کرکٹ کلب کے کپتان کمار سنگارانے ٹاس جیت کر پہلے فیلڈنگ کا فیصلہ کیا تو لاہور قلندرز کی ٹیم اپنے ہوم گراوٴنڈ پرمتاثرکن کھیل کا مظاہرہ نہ کرسکی اورمقررہ 20 اوورز میں 5وکٹوں کے نقصان پر 135رنزہی بناسکی۔
(جاری ہے)
مطلوبہ ہدف کے تعاقب میں ایم سی سی کے ابتدائی 3 کھلاڑی محض 49کے مجموعی اسکور پر پویلین واپس لوٹ گئے جس کے بعد روی بوپارہ اور سمت پٹیل نے عمدہ کارکردگی کا مظاہرہ کرتے ہوئے 60 رنز کی اہم شراکت قائم کی۔ روی بوپارہ نے 37 گیندوں پر2 چوکوں اور 1چھکے کی مدد سے 42 جبکہ سمت پٹیل نے 22 گیندوں پر 2 چھکوں اور 1 چوکے کی مدد سے 31 رنز کی اننگز کھیلیں۔دونوں بلے بازوں کی عمدہ بیٹنگ کی بدولت ایم سی سی نے مطلوبہ ہدف انیسویں اوور کی دوسری گیند پر حاصل کرلیا۔لاہور قلندرز کی جانب سے محمد فیضان نے 2 وکٹیں حاصل کیں۔
ایم سی سی کرکٹ ٹیم 16فروری کو پاکستان شاہینز کے خلاف پچاس اوورز پر مشتمل میچ ایچیسن کالج لاہور میں کھیلے گی۔
شیڈول:
16 فروری : ایم سی سی بمقابلہ پاکستان شاہینز بمقام ایچیسن کالج لاہور بوقت صبح 9:30 تا شام 5:15 بجے (پچاس اوورز پر مشتمل میچ)
17 فروری : ایم سی سی بمقابلہ ناردرن بمقام ایچیسن کالج لاہور بوقت دوپہر 12:30 تا سہ پہر3:40 بجے (بیس اوورز پر مشتمل میچ)
19 فروری : ایم سی سی بمقابلہ ملتان سلطانز بمقام ایچیسن کالج لاہور بوقت دوپہر 12:30 تا سہ پہر3:40 بجے (بیس اوورز پر مشتمل میچ)
وقت اشاعت : 15/02/2020 - 13:09:30
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا
-
نیشنل ویمنز ون ڈے ٹورنامنٹ میں کراچی ، لاہور اور ملتان نے اپنے میچز میں کامیابی حاصل کرلی
-
چیئرمین پی سی بی کی دعوت پر بے سہارا ،یتیم بچے پاک نیوزی لینڈ سیریز کا چوتھا میچ دیکھیں گے
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
قومی نیٹ بال چیمپئن شپ 27جون سے اسلام آباد میں کھیلی جائے گی