نیوزی لینڈ اور بھارت کی کرکٹ ٹیموں کے درمیان پہلا ٹیسٹ میچ 21 فروری سے شروع ہوگا

ویلنگٹن (اُردو پوائنٹ اخبارتازہ ترین - اے پی پی۔ 18 فروری2020ء) نیوزی لینڈ اور بھارت کی کرکٹ ٹیموں کے درمیان دو ٹیسٹ میچوں پر مشتمل سیریز کا پہلا میچ 21 سے 25 فروری تک ویلنگٹن میں کھیلا جائے گا۔ اس سے قبل بھارتی ٹیم نے میزبان کیویز ٹیم کو پانچ ٹی ٹونٹی میچوں کی سیریز میں کلین سویپ کیا تھا اس کے بعد کیویز نے تین ایک روزہ بین الاقوامی میچوں کی سیریز میں بھارتی کرکٹ ٹیم کو کلین سویپ کر دیا تھا۔

(جاری ہے)

دونوں ٹیموں کے درمیان دو ٹیسٹ میچز کی سیریز سے قبل بھارت اور نیوزی لینڈ الیون کی ٹیموں کے درمیان کھلا گیا تین روزہ ٹور میچ ہار جیت کے فیصلے کے بغیر ختم ہوگیا تھا۔ بھارت کی کرکٹ ٹیم کی قیادت ویرات کوہلی کر رہے ہیں جبکہ کیویز ٹیم کی قیادت کے فرائض کین ولیمسن سرانجام دیئے تھے۔ واضح رہے کہ دونوں ٹیموں کے درمیان دونوں ٹیموں کے درمیان دو ٹیسٹ میچز کی سیریز سے کا پہلا ٹیسٹ میچ 21 سے 25 فروری تک ویلنگٹن میں کھیلا جائے گا جبکہ دوسرا اور آخری ٹیسٹ میچ 29 سے 04 مارچ تک کرائسٹ چرچ میں شیڈول ہے۔