خاتون ویٹ لفٹر رابعہ شہزاد نے گلاسکومیں پاکستان کا نام روشن کردیا

گلاسکو(اردوپوائنٹ تازہ ترین اخبار۔18فروری 2020ء )  پاکستان کی خاتون ویٹ لفٹر رابعہ شہزاد نے گلاسگو میں ملک کا نام روشن کردیا۔رابعہ شہزاد نے سکاٹ لینڈ کے شہر گلاسگو میں ہونیوالی گلاسگو اوپن کلاسک ویٹ لفٹنگ چیمپئن شپ 2020ء میں پاکستان کی نمائندگی کرتے ہوئے سونے کی شیلڈ اپنے نام کرلیا ۔ عالمی سطح پر پاکستان کے لیے گولڈ میڈل جیتنے والی پاکستان کی پہلی خاتون ویٹ لفٹر رابعہ شہزاد نے اپنے انسٹاگرام اکاؤنٹ پر کامیابی حاصل کرنے کے بعد تصویر شیئر کی۔

رابعہ نے لکھا کہ ایک لڑکی ہوتے ہوئے انہوں نے اکیلے کراچی سے مانچسٹر اور مانچسٹر سے گلاسگو سفر کیا جہاں گولڈ شیلڈ لینے میں کامیاب رہیں۔

یاد رہے کہ رابعہ شہزاد اس سے قبل آسٹریلیا میں ہونیوالی رالف کیش مین اوپن ویٹ لفٹنگ چیمپئن شپ کی 55 کلوگرام کیٹیگری میں گولڈ میڈل جیت کر پاکستان کا نام روشن کر چکی ہیں۔

(جاری ہے)

اس کے علاوہ وہ دبئی میں ہونے والی ایشین بینچ پریس چیمپیئن شپ میں بھی چاندی کا تمغہ اپنے نام کر چکی ہیں۔

رابعہ شہزاد کی بڑی بہنیں ماحور اور فریال قومی ویمن بیڈمنٹن چیمپئن رہ چکی ہیں جبکہ ان کے والد شہزاد احمد روئنگ کے قومی چیمپئن رہ چکے ہیں۔