کوئٹہ گلیڈی ایٹرز نے وہاب ریاض کیخلاف ممکنہ بال ٹیمپرنگ کی شکایت درج کروادی

کراچی(اردو پوائنٹ تازہ ترین اخبار۔23فروری2020ء ) کوئٹہ گلیڈی ایٹرز کے کپتان سرفراز احمد نے اتوار کے روز اس بات کی تصدیق کی ہے کہ ان کی فرنچائز نے ہفتے کو پشاور زلمی کے خلاف میچ کے بعد فاسٹ بائولر وہاب ریاض کے خلاف ممکنہ بال ٹیمپرنگ کی شکایت درج کروادی ہے ۔وہاب نے اس مقابلے میں شاندار باولنگ کا مظاہرہ کرتے ہوئے اپنے چار اوورز میں صرف 21 رنز دیئے اور دو وکٹیں بھی حاصل کیں۔

ان کی بولنگ نے جیسن رائے سمیت گلیڈی ایٹرز کے بلے بازوں کو حتمی اوورز میں تیزی سے رنز بنانے روک دیا تھا۔

(جاری ہے)

وکٹ کیپر بلے باز کامران اکمل کی سنچری کی بدولت پشاورزلمی نے گلیڈی ایٹرز کی جانب سے دیا گیا ہدف آسانی سے پورا کرلیا تھا ۔ ذرائع کے مطابق آج کراچی کنگز کو شکست دینے کے بعد سرفراز احمد نے تصدیق کی کہ ان کی ٹیم نے 34 سالہ وہاب ریاض کے خلاف ممکنہ بال ٹیمپرنگ کی شکایت درج کروادی ہے-یاد رہے کہ کراچی کنگز کے کپتان عماد وسیم نے بھی الزام لگایا تھا کہ وہاب ریاض ،روی بوپارہ اور عثمان شنواری بال ٹیمپرنگ کرتے ہیں-