سوئس سٹار اور سب سے زیادہ گرینڈ سلام چیمپئن راجر فیڈرر گھٹنے کی انجری کے باعث فرنچ اوپن سے محروم

جمعرات مارچ 17:25

سوئس سٹار اور سب سے زیادہ گرینڈ سلام چیمپئن راجر فیڈرر گھٹنے کی انجری ..
برن۔ (اُردو پوائنٹ اخبارتازہ ترین - اے پی پی۔ 19 مارچ2020ء) سوئٹزرلینڈ کے بین الاقوامی شہرت یافتہ ٹینس سٹار اور سب سے زیادہ گرینڈ سلام چیمپئن راجر فیڈرر گھٹنے کی سرجری کے باعث رواں سال کے دوسرے گرینڈ سلام فرنچ اوپن ٹینس ٹورنامنٹ میں شرکت نہیں کر سکیں گے۔ 38 سالہ سوئس سٹار کی گزشتہ روز سوئٹزرلینڈ میں دائیں گھٹنے کی آرتروسکوپک سرجری ہوئی تھی جس کے باعث فیڈرر آخری پانچ سالوں میں اپنے چوتھے فرنچ اوپن ٹینس ٹورنامنٹ میں شرکت سے محروم ہوجائیں گے۔

(جاری ہے)

راجر فیڈرر نے 2009ء میں پہلی مرتبہ رولینڈ گراس کورٹ پر کھیلے جانے والا فرنچ اوپن ٹینس کا اعزاز جیتا تھا۔ راجر فیڈرر نے کہا کہ ڈاکٹروں کے مطابق میری سرجری ٹھیک ہوگئی ہے اور میں بہت جلد صحت یاب ہوکر دوبارہ ٹینس کورٹس میں ایکشن میں نظر آئوں گا۔ واضح رہے کہ راجر فیڈرر سال کے دوسرے گرینڈ سلام فرنچ اوپن ٹینس ٹورنامنٹ جو ستمبر میں ریشیڈول ہوا ہے میں شرکت نہیں کر سکیں گے ۔ واضح رہے کہ راجر فیڈرر آسٹریلین اوپن ٹینس 6 مرتبہ، فرنچ اوپن ٹینس ایک مرتبہ، وامبلڈن اوپن ٹینس 8 مرتبہ جبکہ یو ایس اوپن ٹین 5 مرتبہ جیت چکے ہیں۔

مزید متعلقہ خبریں پڑھئیے‎ :

وقت اشاعت : 19/03/2020 - 17:25:42

متعلقہ عنوان :

Your Thoughts and Comments