ٹوکیو اولمپکس 2020ء ملتوی کیے جانیکا امکان

ٹوکیواولمپکس ملتوی کرنا ناگزیرہو سکتا ہے:جاپانی وزیراعظم شنزوابے،دو تہائی سے زیادہ کھلاڑی اولمپکس ملتوی کرنے کے حامی: یوایس ٹوڈے

Zeeshan Mehtab ذیشان مہتاب پیر مارچ 11:44

ٹوکیو اولمپکس 2020ء ملتوی کیے جانیکا امکان
ٹوکیو(اردو پوائنٹ تازہ ترین اخبار۔23مارچ2020ء ) دنیا بھر میں پھیلے کورونا وائرس کے باعث جاپان میں ہونے والا بین الاقوامی ملٹی سپورٹس ایونٹ ٹوکیو اولمپکس 2020ء ملتوی ہونے کا امکان ہے۔ ٹوکیو اولمپکس کا انعقاد جاپان میں رواں برس 24 جولائی سے 9 اگست تک کیا جانا تھا جس کے لیے جاپان میں بڑے پیمانے پر انتظامات بھی کیے جا رہے تھے تاہم عالمگیر وبا کورونا وائرس کے جہاں کھیلوں کے دیگر ایونٹس منسوخ یا ملتوی ہوئے وہیں ٹوکیو اولمپکس کا انعقاد بھی خطرے میں پڑ گیا ہے۔

غیر ملکی خبر ایجنسی کے مطابق کینیڈا نے اولمپکس 2020ء کے لیے اپنے کھلاڑی ٹوکیو نہ بھیجنے کا فیصلہ کرتے ہوئے مقابلوں کو ایک سال کے لیے ملتوی کرنے کا مطالبہ کردیا،رپورٹ میں بتایا گیا کہ کینیڈا کے بعد آسٹریلیا نے بھی اولمپکس 2020ء سے دستبرداری کا اعلان کیا ہے۔

(جاری ہے)

جاپان کے وزیراعظم شنزو ابے نے بھی واضح اشارہ دیا ہے کہ ٹوکیواولمپکس کو ملتوی کرنا ناگزیر ہو سکتا ہے جب کہ جاپانی میڈیا کے مطابق اولمکپس کے منتظمین نے ممکنہ متبادل پلانز کے بارے میں سوچ بچار شروع کر دی ہے۔

امریکی صدر ڈونلڈ ٹرمپ بھی کورونا وائرس کے خدشے پیش نظر ٹوکیو اولمپکس ملتوی کرنے کی تجویز پیش کر چکے ہیں جب کہ امریکا کے آن لائن جریدے یو ایس اے ٹوڈے کی رپورٹ کے مطابق امریکا کے دو تہائی سے زیادہ کھلاڑیوں کی بھی یہی رائے ہے کہ اس وبا کے باعث ٹوکیو اولمپکس کو ملتوی کر دینا چاہیے۔ خیال رہے کہ کورونا وائرس کے باعث پاکستان سپر لیگ، آئی پی ایل، انگلیڈ اور سری لنکا کے درمیان ٹیسٹ سیریز، آسٹریلیا اور نیوزی لینڈ کے درمیان ون ڈے سیریز سمیت کھلیوں کے کئی ایونٹس اب تک منسوخ ہو چکے ہیں۔

مزید متعلقہ خبریں پڑھئیے‎ :

Another corona battle, the Tokyo Olympics postponed 2020
Tokyo Olympics to be held in Japan from July 24 to August 9 this ..

کورونا کا ایک اور وار، ٹوکیو اولمپکس 2020ء ملتوی

چین کے شہر ووہان سے پھوٹنے والی وبا کورونا وائرس کے باعث جاپان میں ہونے والا بین الاقوامی ملٹی سپورٹس ایونٹ ٹوکیو اولمپکس 2020ء ملتوی کر دیا گیا ہے۔غیر ملکی خبر رساں ادارے کے مطابق ٹوکیو اولمپکس کا انعقاد جاپان میں رواں برس 24 جولائی سے 9 اگست تک کیا جانا ... مزید

وقت اشاعت : 23/03/2020 - 11:44:06

Your Thoughts and Comments