اطالوی رگبی سٹارکوروناکیخلاف جنگ میں ایمبولینس ڈرائیور بن گیا

میرا کام طبیعت سنبھلنے کے بعد مریضوں کو ایک ہسپتال سے دوسرے میں لیکر جانا ہے:میکسم مبادا

Zeeshan Mehtab ذیشان مہتاب جمعرات مارچ 13:22

اطالوی رگبی سٹارکوروناکیخلاف جنگ میں ایمبولینس ڈرائیور بن گیا
روم(اردو پوائنٹ تازہ ترین اخبار۔26مارچ2020ء ) اٹلی کا انٹرنیشنل رگبی سٹار میکسم مبادا کورونا وائرس کے خلاف جنگ میں ایمبولینس ڈرائیور بن گیا۔وبا کی وجہ سے تباہی نہ پھیلتی تو گذشتہ ہفتے میکسم مبادا کو 60 ہزار تماشائی انگلینڈ کے خلاف ایکشن میں دیکھتے، بہرحال انھوں نے گھر پر بیٹھنے کے بجائے خود کو رضاکار کے طور پیش کیا اور اب حفاظتی لباس پہنے ایمبولینس چلاتے نظر آرہے ہیں۔

(جاری ہے)

مبادا نے کہا کہ ان دنوں ہسپتالوں میں مریضوں کا ایسے رش نظر آتا ہے جیسا کبھی سپرمارکیٹس میں ہوتا تھا، میرا کام طبیعت سنبھلنے کے بعد مریضوں کو ایک ہسپتال سے دوسرے میں لے کر جانا ہے، میں قومی جذبے کے ساتھ یہ ذمہ داری نبھا رہا ہوں۔خیال رہے کہ اٹلی یورپ میں اس وبا سے متاثر سب سے بڑا ملک ہے جہاں 70 ہزار افراد بیمار جب کہ 7 ہزار کے قریب ہلاکتیں ہوچکی ہیں جو کہ دنیا میں سب سے زیادہ ہیں،ویلنسیا کے خطے میں بھی اب تک 26 سو سے زائد افراد کووڈ 19 سے متاثر ہوچکے ہیں۔دنیا بھر میں اب تک اس وائرس سے 4 لاکھ 35 ہزار سے زائد افراد بیمار جب کہ 20 ہزار کے قریب ہلاک ہوچکے ہیں جب کہ صحت یاب افراد کی تعداد ایک لاکھ سے زیادہ ہے۔                                                  

مزید متعلقہ خبریں پڑھئیے‎ :

وقت اشاعت : 26/03/2020 - 13:22:06

Your Thoughts and Comments