بنگلہ دیشی کرکٹر محمد شریف کا ہر طرح کی کرکٹ سے ریٹائرمنٹ کا اعلان

ڈھاکہ (اُردو پوائنٹ اخبارتازہ ترین - اے پی پی۔ 13 اپریل2020ء) بنگلہ دیش کرکٹ ٹیم کے رائٹ آرم فاسٹ باؤلر محمد شریف 20 سال سے زیادہ عرصے پر مشتمل ایک عمدہ کیریئر کا اختتام کرتے ہوئے، تمام طرز کی کرکٹ سے سبکدوش ہوگئے۔ شریف نے بنگلہ دیش کی جانب سے فرسٹ کلاس کرکٹ میں 393 وکٹوں حاصل کر رکھیں تھیں۔

(جاری ہے)

وہ فاسٹ کلاس کرکٹ میں تیز رفتار وکٹیں لینے والے کھلاڑیوں کی صف میں شامل تھے۔یاد رہے دائیں بازو کے درمیانے درجے کے باصلاحیت باؤلر اور لوئر آرڈر بیٹسمین شریف نے اپنے فرسٹ کلاس کیریئر کا آغاز 2000 میں کیا تھا۔شریف کو 10 ٹیسٹ 9 ایک روزہ بین الاقوامی میچوں میں ملک کی نمائندگی کا اعزاز حاصل ہے۔انہوں نے اپنے ملک کی جانب سے آخری انٹرنیشنل میچ 2007ء میں کھیلا تھا۔