چیف سلیکٹر و ہیڈ کوچ مصباح الحق کو ایک اور اہم ذمہ داری مل گئی

لاہور (اردو پوائنٹ تازہ ترین اخبار۔30مئی 2020ء ) پاکستان کرکٹ ٹیم کے فیلڈنگ کوچ کے فیصلے کا اختیار بھی ہیڈ کوچ اور چیف سلیکٹر مصباح الحق کے سپردکردیا گیا۔ نیوزی لینڈ سے تعلق رکھنے والے گرانٹ بریڈ برن ستمبر 2018ء سے پاکستان ٹیم کے فیلڈنگ کوچ تھے جن کی ہائی پرفارمنس سینٹر میں تعیناتی کی وجہ سے فیلڈنگ کوچ کا عہدہ خالی ہوگیا ہے۔

(جاری ہے)

نئے فیلڈنگ کوچ کی تقرری کے تمام معاملات مصباح الحق دیکھیں گے اور وہ ہی فیصلہ کریں گے کہ فیلڈنگ کوچ ملکی ہوگا یا غیر ملکی ؟ یا پھر کوئی اکیڈمی کوچ ہی فیلڈنگ کے معاملات دیکھے۔

ذرائع کے مطابق 46 سالہ مصباح الحق کی جانب سے اکیڈمی کوچ کو سپورٹنگ سٹاف میں شامل کرنے کا فیصلہ کیے جانے کا امکان ہے۔ فیلڈنگ کوچ عبدالمجید کو سپورٹنگ سٹاف میں شامل کیے جانے کا امکان ہے۔