پنجاب شڈو باکسنگ فٹنس چیلنج 2020ء کے مقابلے آئندہ ہفتے شروع ہونگے، چوہدری طارق امین گوجر

اسلام آباد (اُردو پوائنٹ اخبارتازہ ترین - اے پی پی۔ 03 جون2020ء) پنجاب باکسنگ ایسوسی ایشن کے زیر اہتمام آن لائن پنجاب شڈو باکسنگ فٹنس چیلنج 2020ء کے مقابلے آئندہ ہفتے شروع ہونگے، گذشتہ روز ایونٹ آرگنائزر چوہدری طارق امین گوجر نے بتایا کہ ایونٹ کی تیاریاں زور و شور پر ہیں۔

(جاری ہے)

انہوں نے کہا کہ ایونٹ میں پنجاب بھر سے مرد اور خواتین کھلاڑی حصہ لے سکتے ہیں، اس کے علاوہ پنجاب بھر سے تعلق رکھنے والے غیر ملکی کھلاڑی بھی ان مقابلے میں شرکت کر سکتے ہیں۔

پنجاب باکسنگ ایسوسی ایشن نے ایونٹ کے لئے مختلف ایج کیٹگریز 9 سال سے 80 سال کی عمر تک کے کھلاڑیوں کے ل?ے بھی مقابلے رکھے گئے ہیں۔ انہوں نے کہا کہ کھلاڑی 30 سیکنڈ کی ویڈیو جس میں ٹیکنیک، فٹ ورک، مختلف سٹائل پنچز ایونٹ کے دوران ویڈیو لنک کے ذریعے بھیجیں گے۔