متحدہ عرب امارات کی آئی پی ایل کی میزبانی کیلئے رال ٹپکنے لگی
بھارتی کرکٹ بورڈ چاہے تو اکتوبر،نومبر میں آئی پی ایل کی میزبانی کیلئے تیار ہیں:مشیر اماراتی کرکٹ بورڈ سبحان احمد
ذیشان مہتاب جمعرات 11 جون 2020 13:32
دبئی (اردو پوائنٹ تازہ ترین اخبار۔11جون 2020ء ) آئی پی ایل کی بیش قیمت میزبانی کیلئے یو اے ای کی رال ٹپکنے لگی جس نے تصدیق کردی ہے کہ اگر بھارتی کرکٹ بورڈ نے کورونا وائرس کے باعث ایونٹ کو بیرون ملک منتقل کرنے کا فیصلہ کیا تو آگے بڑھ کر میزبانی کے حصول کی کوشش کی جائے گی۔واضح رہے کہ بی سی سی آئی حکام میں آئی پی ایل کیلئے مناسب وینیو کے انتخاب پر رائے منقسم ہے البتہ یہ امکان واضح ہے کہ رواں برس ٹی ٹونٹی ورلڈ کپ ملتوی کیا گیا تو بھارتی لیگ کو از خود ہی مناسب ونڈو مل جائے گی۔ماضی میں بھارت میں ہونے والے انتخابات کی وجہ سے آئی پی ایل کو 12 سالہ تاریخ میں 2 مرتبہ ملک سے باہر منتقل کیا گیا جس میں سے ایک بار اس کا مکمل طور پر انعقاد جنوبی افریقہ میں کیا گیا جب کہ 2014ء میں آئی پی ایل کے ابتدائی مرحلے کے میچز یو اے ای میں کھیلے گئے تھے اور اس بار بھی اسی بنیاد پر امارات کے کرکٹ حکام میزبانی کی امیدیں لگائے بیٹھے ہیں۔
امارات کرکٹ بورڈ کے جنرل سیکرٹری مبشر عثمانی کا کہنا ہے کہ ماضی سے اب تک ان کا مختلف ٹورنامنٹس اور باہمی سیریز کی میزبانی کا ریکارڈ بہترین رہا ہے اور اپنے بہترین سٹیڈیمز پر وہ کسی بھی طرز کی کرکٹ کا عمدگی سے انعقاد کر سکتے ہیں۔ امارات کرکٹ بورڈ کے مشیر سبحان احمد نے کہاکہ یو اے ای میں 2014ءمیں ہونے والے آئی پی ایل کے مقابلے بھرپور توجہ کا مرکز بنے تھے، اگر اس بار بھی بی سی سی آئی اپنی لیگ کے میچز امارات میں کرانا چاہے تو ہمارے انٹرنیشنل معیار کے وینیوز دستیاب ہوں گے۔انہوں نے کہا کہ یہاں برصغیر سے تعلق رکھنے والے تارکین وطن کی بہت بڑی تعداد موجود ہے، سٹیڈیمز میں رونقیں بھی کم محسوس نہیں ہوں گی، نومبر، دسمبر میں یو اے ای کا خوشگوار موسم بھی کرکٹ کیلئے سازگار ہوگا۔
(جاری ہے)
وقت اشاعت : 11/06/2020 - 13:32:53
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے