ویسٹ انڈین پلیئرز کا پاکستان میں احترام کیا جاتا ہے :جاوید آفریدی

لاہور (اردو پوائنٹ تازہ ترین اخبار۔12جون 2020ء ) دنیا بھر میں جاری نسلی امتیاز پر مبنی بحث میں پشاور زلمی کے مالک جاوید آفریدی بھی کود پڑے جن کا کہنا ہے کہ پاکستان میں ڈیرن سیمی سمیت ویسٹ انڈین پلیئرز کا بہت زیادہ احترام کیا جاتا ہےجن کے ساتھ لوگ بادشاہوں والا برتاؤ کرتے ہیں۔

(جاری ہے)

ان کا کہنا تھا کہ فرنچائز کے ہیڈ کوچ ڈیرن سیمی سمیت تمام کیریبین پلیئرز باصلاحیت اور میچ ونرز ہیں اور ہر پاکستانی ان کے کھیل کو دیکھنا اور سراہنا پسند کرتا ہے خاص کر جب وہ پی ایس ایل میں کھیل رہے ہوں۔

جاوید آفریدی کا یہ بیان اس وقت سامنے آیا ہے جب آئی پی ایل میں ڈیرن سیمی کو سن رائزرز حیدرآباد کے پلیئرز کی جانب سے ان کے رنگ کی بنیاد پر ’’کالو‘‘پکارنے کی بحث زور پکڑ چکی ہے ۔