پاکستان اتھلیٹکس فیڈریشن کے صدر میجر جنرل (ر) محمد اکرم ساہی کا انٹرنیشنل باکسر غلام نبی نندے کی وفات پر اظہار تعزیت

اسلام آباد (اُردو پوائنٹ اخبارتازہ ترین - اے پی پی۔ 06 جولائی2020ء) پاکستان اتھلیٹکس فیڈریشن کے صدر میجر جنرل (ر) محمد اکرم ساہی نے انٹرنیشنل باکسر غلام نبی نندے کی وفات پر دکھ اور افسوس کا اظہار کیا ہے اور دعا ہے کہ اللہ تعالی مرحوم کو اپنے جوار رحمت میں جگہ دے اور لواحقین کو صبر جمیل عطا فرمائے۔

(جاری ہے)

انہوں نے اپنے ایک تعزیتی پیغام میں کہا کہ مرحوم کی باکسنگ کے کھیل کے فروغ کے لئے خدمات کو ہمیشہ کے لئے یاد رکھا جائے گا۔واضح رہے کہ غلام نبی نے ایشین گیمز میں پاکستان کے لئے کانسی کا تمغہ جیتا تھا۔ کراچی الیکٹریک سے وابستہ قومی باکسر نے ایشین گیمز کے علاوہ سیف گیمز اور دوسرے بین الاقوامی مقابلوں میں پاکستان کی نمائندگی کی ان کا تعلق کراچی مشہور علاقے لیاری سے تھا۔