جنوبی کوریا: فٹبال لیگ میں تماشائیوں کی جگہ جنسی گڑیا رکھنے پر 67 ہزار پاؤنڈ جرمانہ

سیول (اردو پوائنٹ تازہ ترین اخبار۔13جولائی 2020ء ) کورونا وائرس کا بہانہ بنا کر فٹبال لیگ میں تماشائیوں کی جگہ جنسی جذبات ابھارنے والی گڑیا کی ڈمیز رکھنے پر سیول کلب پر 67 ہزار پاؤنڈ کا جرمانہ کر دیا گیا، کلب انتظامیہ نے غلطی تسلیم کرتے ہوئے شائقین سے معافی مانگ لی۔ لاک ڈاؤن کے دوران جنوبی کوریا میں فٹبال میلہ سجا، سئول کلب کو احتیاطی تدابیر کا خاص خیال رکھنا مہنگا پڑ گیا، خالی سٹینڈز کو جعلی تماشائیوں سے بھرنے کا آئیڈیا کی آڑ میں مختلف ٹیم کلرز اور ماسک اور ٹی شرٹس پہنے میل فیمیل جنسی گڑیا کی ڈمیز کو سٹیڈیم میں رکھا گیا۔

(جاری ہے)

لیگ انتظامیہ نے کورونا عذر مسترد کرتے ہوئے کلب کو 67 ہزار پاؤنڈ جرمانہ کر دیا۔ کہا گیا کہ حالات کچھ بھی ہوں، سٹیڈیم میں ڈمیز رکھنا اور جنسی جذبات کو ابھارنا دھوکہ دہی ہے جو کسی صورت برداشت نہیں کیا جائے گا۔ اس پر سیول کلب نے بھی سیکس کیریکٹرز کا انتخاب غلطی قرار دیتے ہوئے دکھی پرستاروں سے معافی مانگ لی، ساتھ آئندہ میچز میں اپنی حکمت عملی بدلنے کا وعدہ کیا۔