آئی سی سی نے ورلڈ کپ سپرلیگ کا اعلان کر دیا

سپر لیگ سے ورلڈ کپ 2023ء کیلئے کوالیفائی کرنے والی ٹیموں کا فیصلہ ہوگا

Zeeshan Mehtab ذیشان مہتاب پیر 27 جولائی 2020 14:56

آئی سی سی نے ورلڈ کپ سپرلیگ کا اعلان کر دیا
دبئی (اردو پوائنٹ تازہ ترین اخبار۔27جولائی 2020ء ) آئی سی سی نے ورلڈ کپ سپرلیگ کا اعلان کر دیا جس کا آغاز 30 جولائی سے ہوگا۔ پہلا جوڑ 30 جولائی کو ساؤتھمپٹن میں کھیلے جانے والے سیریز کے پہلے میچ میں پڑے گا، سپر لیگ سے ورلڈ کپ 2023ء کے لیے کوالیفائی کرنے والی ٹیموں کا فیصلہ ہوگا، 12 فل ممبر ملکوں اور ایک کوالیفائر نیدر لینڈ میں سے ہر ایک کو 3،3 میچز پر مشتمل 4 ہوم اور اتنی ہی اوے سیریز کھیلنا ہوں گی، ان میں سے ٹاپ تھری کو بھارت میں ہونے والے میگا ایونٹ میں براہ راست شرکت کا پروانہ جاری ہو جائے گا۔

(جاری ہے)

آئی سی سی کے جنرل منیجر کرکٹ جیف ایلر ڈائس کا کہنا ہے کہ ورلڈ کپ سپر لیگ کا عالمی چیمپئن انگلینڈ اور آئرلینڈ کے مقابلوں کے ساتھ آغاز خوش آئند ہے، میگا ایونٹ کے انعقاد سے قبل ہونے والے ایک روزہ میچز میں شائقین کی دلچسپی برقرار رکھنے کے لیے لیگ اہم کردار ادا کرے گی۔                                                                                                                                                           
وقت اشاعت : 27/07/2020 - 14:56:30

مزید متعلقہ خبریں پڑھئیے‎ :