ہاردک پانڈیا بیٹے کے باپ بن گئے

نئی دہلی (اردو پوائنٹ تازہ ترین اخبار۔3اگست 2020ء ) ہندوستانی کرکٹ ٹیم کے آل راؤنڈر ہاردک پانڈیا والد بن گئے ہیں۔ ان کی منگیتر نتاشا اسٹانکوچ نے بیٹے کو جنم دیا ہے ۔ہاردک پانڈیا نے یہ اطلاع سوشل میڈیا پردی ہے ۔ انہوں نے انسٹاگرام پر بیٹے کی تصویر شائع کرتے ہوئے لکھا کہ ہمارے گھر میں لڑکا پیدا ہوا ہے ۔ تاہم انہوں نے تصویر میں بچے کا چہرہ نہیں دکھایا۔

(جاری ہے)

یہ امر قابل ذکر ہے کہ31 مئی2020ء کو ہاردک پانڈیا اوراداکارہ نتاشا اسٹانکوچ نے اپنے سوشل میڈیا اکاؤنٹس سے آگاہ کیا تھا کہ ننھا مہمان ان کے گھر آنے والا ہے ۔ اس سال کے شروع میں ہاردک اور نتاشا نے منگنی کا اعلان کیا تھا۔ دونوں نے کوویڈ19 کی وبا کی وجہ سے ملک میں لاک ڈاؤن کے دوران شادی کی تھی۔پانڈیا ہندوستان کے لئے اب تک 11 ٹیسٹ ، 54 ونڈے اور40 ٹی ٹونٹی میچ کھیل چکے ہیں۔