باکسر عامر خان کی اہلیہ کے برائیڈل شوٹ کی جھلکیاں منظرعام پر آگئیں

لاہور (اردو پوائنٹ تازہ ترین اخبار۔11اگست 2020ء ) عالمی شہرت یافتہ باکسر عامر خان کی اہلیہ فریال مخدوم کے حال ہی میں ہونے والے برائیڈل شوٹ کی کچھ جھلکیاں منظر عام پر آ گئیں۔ دلہنوں کے ملبوسات اور زیورات کی وجہ سے پہچانی جانے والی معروف فیشن ڈیزائنر عائشہ ناہید کی جانب سے حال ہی میں ایک اور برائیڈل شوٹ سامنے آیا ہے۔ اس بار فوٹو شوٹ میں 33 سالہ معروف پاکستانی نژاد برطانوی باکسر عامر خان کی اہلیہ فریال مخدوم نے ماڈل کے فرائض انجام دیئے ہیں۔

(جاری ہے)

دلہن کے ملبوسات میں زیب تن فریال مخدوم کے اس شوٹ کو ’ دی رائل فیری ٹیل‘ کا نام دیا گیا ہے۔

سوشل میڈیا پر وائرل ہونے والی تصاویر میں فریال دلہن کے ملبوس میں انتہائی خوبصورت نظر آرہی ہیں۔