فواد عالم کے تیسرے ٹیسٹ کی پہلی اننگز میں آؤٹ ہونے پر تنازع کھڑاہو گیا
جب باؤلر گیند کروانے کیلئے بھاگ رہے تھےتب وکٹ کیپر جوز بٹلر کے گلوز وکٹ سے آگے آگئے، کرکٹ قوانین کے مطابق یہ گیند نو بال قرار دی جانی چاہیے تھی
ذیشان مہتاب پیر 24 اگست 2020 11:19
سائوتھمپٹن (اردو پوائنٹ تازہ ترین اخبار۔24اگست 2020ء ) پاکستان کے مڈل آرڈر بیٹسمین فواد عالم جنہوں نے کافی عرصے بعد ٹیسٹ کرکٹ میں کم بیک کیا ہے اس سیریز میں اب تک بدقستمی کا شکار رہے ہیں، تیسرے ٹیسٹ کی پہلی اننگز میں جس گیند پر وہ آؤٹ قرار پائے وہ مبینہ طور پر ایک نو بال تھی۔
تیسرے ٹیسٹ کی پہلی اننگز کے 37 ویں اوور کے دوران 74 گیندوں پر 21 رنز بنانے والے فواد عالم ڈوم بیس کی گیند پر وکٹ کیپر جوز بٹلر کے ہاتھوں کیچ آؤٹ ہوئے۔
لیکن ان کے آؤٹ کے ایک ری پلے کے دوران دیکھا گیا کہ کہ وکٹ کے پیچھے کھڑے جوز بٹلر کے گلوز وکٹ سے آگے آگئے، جب باؤلر گیند کروانے کیلئے بھاگ رہے تھے، کرکٹ قوانین کے مطابق یہ گیند نو بال قرار دی جانی چاہیے تھی۔
کرکٹ قوانین کی شق نمبر27۔3 اس بارے میں کہتا ہے کہ’’وکٹ کیپر اس لمحے سے مکمل طور پر وکٹ کے پیچھے موجود رہے، جب سے باؤلر گیند کروانے کیلئے بھاگنا شروع کردے، اور اس وقت تک اسی حالت میں رہے جب تک گیند بلے سے یا بیٹسمین سے نا ٹکراجائے، یا گیند وکٹ کو کراس کرلے، ایسے کسی موقع پر جب کوئی وکٹ کیپر اس قانون سے انحراف کرے تو سٹرائیکر اینڈ کا ایمپائر گیند کے فوری بعد اس گیند کیلئے نو بال کا اشارہ کردے‘‘۔
کرکٹ پر متعدد کتابیں لکھنے والے برطانوی صحافی جیروڈ کمبر نے اس حوالے سے اپنے ٹویٹر پیغام میں لکھا کہ ” ایسا لگتا ہے فواد عالم کا کیچ لینے کیلئے بٹلر کے ہاتھ سٹیمپ سے آگے آئے ہوئے تھے، یہ نو بال ہے، آپ کو آؤٹ کا ری پلے دیکھنے کی ضرورت ہے،لیکن یہ بہت غور سے نظر آئے گا‘‘۔
پاکستان اور انگلینڈ کے درمیان تین میچوں کی ٹیسٹ سیریز میں انگلینڈ کو 1-0 سے برتری حاصل ہے۔
(جاری ہے)
وقت اشاعت : 24/08/2020 - 11:19:46
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے