چارسدہ کی ٹیم نے یوم دفاع پاکستان انٹر ڈسٹرکٹ کبڈی مقابلہ جیت لیا

پیر ستمبر 13:34

چارسدہ کی ٹیم نے یوم دفاع پاکستان انٹر ڈسٹرکٹ کبڈی مقابلہ جیت لیا
پشاور (اُردو پوائنٹ اخبارتازہ ترین - اے پی پی۔ 14 ستمبر2020ء) یوم دفاع پاکستان کی مناسبت سے انٹر ڈسٹرکٹ کبڈی مقابلے نوشہرہ میں منعقد ہوئے ،فائنل میں چارسدہ کی ٹیم نے صوابی کو شکست دیکر چمپئن ٹرافی اپنے نام کرلی۔اختتامی تقریب کے موقع پرایم این اے ڈاکٹر عمران خٹک اور وزیر اعلیٰ کے مشیر برائے ہائرایجوکیشن خلیق الرحمن نے نمایاں پوزیشن لینے والے کھلاڑیوں کو ٹرافیاں دیں۔

اس موقع پر صوبائی کبڈی ایسوسی ایشن کے چیئرمین پیر برکت علی شاہ اور سیکرٹری جنرل سلطان سید علی شاہ بری، عدالت خان، سابق ناظم ارشادخان، مجاہد خان اور فدا بھی شامل تھے ۔صوبائی کبڈی ایسوسی ایشن کے زیر اہتمام صوبے بھر کی طرح ضلع نوشہرہ میں بھی یوم پاکستان کی مناسبت سے انٹر ڈسٹرکٹ کبڈی کے مقابلے منعقدہوئے۔

(جاری ہے)

ان مقابلوں میں چار ٹیمیں چارسدہ، مردان، پشاور اور صوابی کی ٹیموں نے حصہ لیا۔

سیمی فائنل میچزمیں چارسدہ نے مردان کو 30کے مقابلے میں 35پوائنٹس سے جبکہ صوابی کی ٹیم نے پشاور کو شکست دیکر فائنل کیلئے کوالیفائی کرلیا۔فائنل میچ میں چارسدہ کی ٹیم کے کھلاڑیوں نے شاندار پرفارمنس کا مظاہرہ کرکے مدمقابل صوابی کی ٹیم کو 30-35 پوائنٹس سے ہراکر چمپئن ٹرافی اپنے نام کرلی۔اختتامی تقریب کے موقع پرڈاکٹر عمران خٹک اور وزیر اعلیٰ کے مشیر برائے ہائیرایجوکیشن خلیق الرحمن نے نمایاں پوزیشن لینے والے کھلاڑیوں کو ٹرافیاں دیں۔

مزید متعلقہ خبریں پڑھئیے‎ :

وقت اشاعت : 14/09/2020 - 13:34:34

Your Thoughts and Comments