ڈومیسٹک کرکٹ کے تمام اسٹیک ہولڈرز کو محفوظ بنانے کے لیے کوویڈ19 کے پروٹوکولزجاری

لاہور (اُردو پوائنٹ اخبارتازہ ترین - آن لائن۔ 15 ستمبر2020ء) پاکستان کرکٹ کرکٹ بورڈ نے کورونا وائرس کے باعث موجودہ صورتحال میں کرکٹ کی سرگرمیوں کو محفوظ انداز میں شروع کرنے کی غرض سے ڈومیسٹک کرکٹ سیزن 21-2020 کے لیے کوویڈ 19 پروٹوکولز کا اعلان کردیا ہے۔ان پروٹوکولز کے اعلان کا مقصدسیزن کے دوران اپنے کھلاڑیوں اور اسپورٹ اسٹاف سمیت تمام اسٹیک ہولڈرز کی صحت اور حفاظت کو یقینی بنانا ہے۔

کھلاڑی، اسپورٹ اسٹاف، میچ آفیشلزاور ڈیوٹی ڈاکٹرزسیزن کے آغاز سے ہی بائیو سیکیور ببل میں رہیں گے۔ اس دوران انہیں آپس میں ملنے جلنے کی مکمل آزادی ہوگی تاہم ببل میں داخلے کے لیے ان تمام کھلاڑیوں، اسپورٹ اسٹاف، میچ آفیشلز اور ڈیوٹی ڈاکٹرزکیمسلسل 2 مرتبہ کوویڈ 19 ٹیسٹ منفی آنا لازمی ہوں گے، یہ فیصلہ، ببل کو وائرس فری رکھنے کی غرض سے کیا گیا ہے۔

(جاری ہے)

فرسٹ اور سیکنڈ الیون میں شامل تمام ٹیموں کے کھلاڑیوں اور اسپورٹ اسٹاف کوپیر کو کروائے گئے اپنے پہلے کوویڈ19 ٹیسٹ کی رپورٹس بالترتیب 16 اور 18 ستمبرکو جمع کرانی ہیں۔پی سی بی ان تمام افراد کو اس ٹیسٹ کے واجبات بعد میں ادا کردے گا۔ اسکواڈ میں شامل جن کھلاڑیوں اور اسپورٹ اسٹاف کے پہلے کوویڈ19 ٹیسٹ کی رپورٹ منفی آئے گی انہیں پی سی بی کے قائم کردہ سنٹرل اسٹیشن بلایا جائے گا۔

جہاں ان کی دوسری کوویڈ19 ٹیسٹنگ پی سی بی میڈیکل ٹیم کی زیرنگرانی ہوگی۔ فرسٹ الیون کے اسکواڈز کی دوسری کوویڈ19 ٹیسٹنگ 18ستمبرجبکہ سکینڈ الیون کی 21 ستمبر کو ہوگی۔کھلاڑیوں اور اسپورٹ اسٹاف کو سنٹرل اسٹیشنز پہنچنے کے لییہوائی سفر کے علاوہ پبلک ٹرانسپورٹ استعمال کرنے کی اجازت نہیں ہوگی۔جہاں انہیں داخلے سے قبل ان کے سامان کے ہمراہ ڈس انفیکٹ کیا جائے گا۔

اس دوران ہر فرد کو علیحدہ علیحدہ کمروں میں رہائش دی جائے گی۔اگر کسی شخص کا دوسرا ٹیسٹ مثبت آجاتا ہے تو اسے 5 روز کے لیے آئسولیٹ کردیا جائے گا، اس دوران اس کیمزید 2 ٹیسٹ کروائے جائیں گے۔ اگر یہ ٹیسٹ بھی مثبت آجائیں تو اس شخص کو 14 روز تک سیلف آئسولیشن میں بھجوادیا جائے۔ جس کے بعد اس فرد کو مسلسل 2 ٹیسٹ منفی آنے کی صورت میں بائیو سیکیور زون میں داخلے کی اجازت ہوگی۔

دورہ انگلینڈ سے واپس آنے والے کرکٹرز کو 25 ستمبر تک اپنی ٹیموں کو جوائن کرنے کی چھوٹ دی گئی ہے۔ دس ہفتوں پر مشتمل انگلینڈ کے طویل دورے کے بعد ان کھلاڑیوں کو اپنی فیملی کے ساتھ وقت گزارنے کی اجازت دی گئی ہے۔اسی طرح،ان ایونٹس کے لیے مقررہ میچ آفیشلز کو اپنی پہلی کوویڈ19 ٹیسٹنگ کے نتائج 24 ستمبر تک جمع کرانے ہوں گیجبکہ ان کے دوسرے ٹیسٹ 27 ستمبر کو پی سی بی کے سنٹرل اسٹیشنز میں ہوں گے۔

نوجوان کھلاڑیوں کی سہولت اور آسانی کے لئے پاکستان کرکٹ بورڈ نے انڈر19 کھلاڑیوں کے کوویڈ19 ٹیسٹ کی مکمل ذمہ داری خود اٹھانے کا اعلان کیا ہے۔ تمام ایسوسی ایشنز کی انڈر19 ٹیموں کی کوویڈ19 ٹیسٹنگ کا آغاز یکم اکتوبر سے ہوگا۔پی سی بی کو اندازہ ہے کہ ملک بھر میں کورونا وائرس کی صورتحال بدل رہی ہے، لہٰذا پی سی بی اس سلسلے میں ڈومیسٹک سیزن 21-2020 میں متوقع چیلنجز سے نمٹنے اور رسک کو کم سے کم کرنے کی غرض سے اپنی طرف سے ہر ممکن اقدامات اٹھانیکی کوشش کررہاہے۔

ہوٹل کے کمرے، کھانے کی جگہ، انڈور گیمز روم، کھیلنے کی جگہ، ڈریسنگ رومز، میچ آفیشلز کے کمرے،ٹیموں کی بسیں اور گاڑیاں بائیو سیکیور زون میں شامل ہوں گی، جسے متواتر ڈس انفیکٹ کیا جاتا رہے گا۔پرٹوکولز کے مطابق بائیو سیکیور زون کی پہلی تہہ میں موجود افرادکی تفریحی کی غرض سے ہر ٹیم کے لیے ایک الگ کمرہ مختص ہوگا ، جس میں وائی فائے سروس، ٹی وی اور کیریم بورڈ کی سہولت موجود ہوگی۔

ڈومیسٹک سیزن کے دوران کوویڈ19 کے ان پروٹوکولز پر سختی سے عملدرآمد کروانے کی ذمہ داری امپلیمنٹیشن ٹیم کی ذمہ داری ہوگی، جس کی سربراہی کوویڈ19 میڈیکل آفیسر ڈاکٹر ریاض کے سپرد کی گئی ہے۔ اس ٹیم کے دیگر اراکین میں ٹیم منیجرز سمیت فزیوتھراپسٹ، لائزن آفیسرز اوور ڈیوٹی ڈاکٹرز شامل ہوں گے۔ بائیوسیکیور زون کی پہلی تہہ میں موجود افراد کو ضرورت پڑنے پر دوسری تہہ میں جانے کے لیے اپنے چہروں کو ماسک سے ڈھانپنے کے علاوہ دوسری تہہ کے افراد سے 10 سے 15 فٹ کا فاصلہ رکھنا ہوگا۔

بائیو سیکیور زون کی دوسری تہہ میں گراؤنڈ اسٹاف، وینیو منیجرز، اسکوررز اور دیگر منتظمین رہیں گے۔ دونوں تہوں میں رہنے والے افراد آپس میں رابطے کے لیے موبائل فون کا استعمال کریں گے۔ میچ دوران کھلاڑیوں کو ڈریسنگ روم کے باہر بیٹھنے کی ترغیب دی جائے گی۔ اس دوران دوپہرکے کھانے یا چائے کیوفقے کے دوران سماجی فاصلیسے متعلق ہدایات پر عمل کیا جائے گا۔

بائیو سیکیور ببل توڑنے والے شخص کو 5 روز (کوویڈ19 کے 2 منفی ٹیسٹ آنی) تک سیلف آئسولیشن میں رہنا ہوگا۔ ان غیرمعمولی حالات میں شیڈول ڈومیسٹک کرکٹ سیزن 21-2020 میں شریک تمام افراد کی صحت اور حفاظت کو پیش نظر رکھتے ہوئے پاکستان کرکٹ بورڈ نے اپنے میڈیا پروٹوکولز کا اعلان بھی کردیا ہے۔ یہ کچھ بنیادی پروٹوکولز ہیں تاہم کوویڈ19 کی بدلتی صورتحال کے باعث ان پروٹوکولز میں آخری وقت پر تبدیلی کی جاسکے گی۔

پاکستان کرکٹ بورڈ، نیشنل ٹی ٹونٹی کپ اور قائداعظم ٹرافی ٹورنامنٹس کے صرف چار ٹیسٹ وینیوز پرشیڈول میچوں کے لییمیڈیا ایکریڈیشن دے گا۔ ان وینیوز میں قذافی اسٹیڈیم لاہور، پنڈی کرکٹ اسٹیڈیم راولپنڈی، نیشنل اسٹیڈیم کراچی اور ملتان کرکٹ اسٹیڈیم ملتان شامل ہیں۔ پاکستان کپ کی میڈیا ایکریڈیشن سے متعلق معلومات مناسب وقت پر جاری کردی جائیں گی۔نیشنل ٹی ٹونٹی کپ کے لیے ٹورنامنٹ بھر کی ایکریڈیشن دی جائے گی جبکہ قائداعظم ٹرافی فرسٹ کلاس ٹورنامنٹ میں میچ ٹو میچ ایکریڈیشن دی جائے گی۔محدود جگہ اور سہولیات کے باعث صرف مقامی صحافیوں کو ہی ایکریڈیشن دینے کا فیصلہ کیا گیا ہے۔