قومی ٹیم میں موقع ملا تو اٹیکنگ کرکٹ ہی کھیلوں گا :شرجیل خان

لاہور (اردو پوائنٹ تازہ ترین اخبار ۔ 21 ستمبر 2020ء ) قومی کرکٹ ٹیم کے اوپنر شرجیل خان کاکہنا ہے کہ پاکستان ٹیم میں موقع ملا تو پہلے کی طرح اٹیکنگ کرکٹ کھیلوں گا۔ میڈیا سے بات کرتے ہوئے قومی کرکٹر نے کہا کہ تین سال کرکٹ سے دور رہا ہوں جو میرے لیے بہت مشکل وقت تھا،تاہم پابندی کے دوران بھی اپنے آپ کو متحرک رکھتا تھا۔ شرجیل خان کا کہنا تھا کہ آئندہ سال بھارت میں شیڈول ٹی ٹونٹی ورلڈ کپ ہدف ضرور ہے لیکن ابھی ٹارگٹ نیشنل ٹی ٹونٹی کپ ہے۔

(جاری ہے)

انہوں نے کہا کہ نیشنل ٹی ٹونٹی کپ میں اچھی پرفارمنس دے کر پاکستان ٹیم میں کم بیک کروں گا۔ یاد رہے کہ شرجیل خان پر پی ایس ایل سیزن 2 کے دوران سپاٹ فکسنگ الزام میں 5 سال پابندی لگی تھی۔ پابندی کے خاتمے کے بعد شرجیل خان نے پی ایس ایل 5 میں کراچی کنگز کی نمائندگی کی تھی۔