نیا ڈومیسٹک نظام پاکستان کرکٹ میں بڑی تبدیلی لے کر آئیگا ،

نظام کو چلنے کیلئے وقت دیا جائے، ندیم خان کورونا وبا کے باوجود پی سی بی ڈومیسٹک کرکٹ شروع کرنے جا رہا ہے، قومی سطح پر بہترین کھلاڑیوں کو سامنے لانا چاہتے ہیں،پریس کانفرنس

پیر ستمبر 18:05

نیا ڈومیسٹک نظام پاکستان کرکٹ میں بڑی تبدیلی لے کر آئیگا ،
کراچی(اُردو پوائنٹ اخبارتازہ ترین - این این آئی۔ 28 ستمبر2020ء) پی سی بی کے ڈائریکٹر ڈومیسٹک کرکٹ اینڈ ہائی پرفارمنس سینٹر ندیم خان نے کہا ہے کہ نیا ڈومیسٹک نظام پاکستان کرکٹ میں بڑی تبدیلی لے کر آئے گا تاہم نظام کو چلنے کے لیے وقت دیا جائے۔نیشنل اسٹیڈیم میں پریس کانفرنس کے دوران پی سی بی کے ڈائریکٹر ڈومیسٹک کرکٹ اینڈ ہائی پرفارمنس سینٹر ندیم خان نے کہا کہ نیا ڈومیسٹک نظام پاکستان کرکٹ میں بڑی تبدیلی لے کر آئے گا، نظام کو چلنے کے لیے وقت دیا جائے اور کرکٹرز کو بھرپور اعتماد دیا جائے گا ۔

انہوںنے کہاکہ صوبائی اور ڈسٹرکٹ ایسوسی ایشنز کا سیٹ جلد سامنے آجائے گا، کلبز رجسٹریشن کا آغاز کرنے جا رہے ہیں ، انڈر19 ٹرائلز میں بعض کھلاڑی زیادتی کا شکار ہوگئے۔

(جاری ہے)

ڈائریکٹر ڈومیسٹک کرکٹ اینڈ ہائی پرفارمنس ندیم خان نے کہا کہ حسن علی ٹیسٹ کرکٹر ہونے کے باعث اے کیٹیگری میں شامل کیے گئے، عمران خان سینئر کو پاکستان ٹیم میں ہونے کے باوجود سینٹرل کانٹریکٹ نہیں مل سکا ، فواد عالم کو ٹاپ پرفارمر میں نہ شامل ہونے کے باوجود ٹیسٹ اسکواڈ میں ہونے کی وجہ سے کانٹریکٹ ملا۔

ندیم خان نے کہا کہ کورونا وبا کے باوجود پی سی بی ڈومیسٹک کرکٹ شروع کرنے جا رہا ہے، قومی سطح پر بہترین کھلاڑیوں کو سامنے لانا چاہتے ہیں، ڈومیسٹک کنٹریکٹ مطلوبہ شرائط پوری کرنے والے کھلاڑیوں کو دیے گئے ہیں ، کھلاڑیوں کے معاوضوں میں اضافہ کیا گیا ہے۔

مزید متعلقہ خبریں پڑھئیے‎ :

وقت اشاعت : 28/09/2020 - 18:05:20

Your Thoughts and Comments