نوجوان تن ساز عبد المالک عالمی تن سازی کے مقابلے کے لیے منتخب

عالمی مقابلوں میں شرکت کے لیے تیاریوں کا آغاز کر دیا، کامیابی کیلئے بہت پرامید ہوں: عبدالمالک

Zeeshan Mehtab ذیشان مہتاب جمعرات اکتوبر 11:49

نوجوان تن ساز عبد المالک عالمی تن سازی کے مقابلے کے لیے منتخب
لاہور (اردو پوائنٹ تازہ ترین اخبار ۔ یکم اکتوبر 2020ء ) پاکستان کو عالمی باڈی بلڈنگ میں ایک اور اعزاز حاصل ہو گیا، نوجوان تن ساز عبدالمالک کوعالمی تن سازی کے مقابلے آرنلڈ کلاسک 2021ء کے لیے منتخب کرلیا گیا۔

(جاری ہے)

یہ مسلسل تیسرا سال ہے کہ عبدالمالک کو آرنلڈ کلاسک کے لیے منتخب کیا گیا ہے، مقابلے 4 سے 7مارچ تک امریکا کے ریاست اوہائیو میں منعقد ہوں گے، کراچی سے تعلق رکھنے والے عبدالمالک نے پہلی مرتبہ 2019ء میں عالمی تن سازی کے مقابلے میں شرکت کرتے ہوئے چوتھی پوزیشن حاصل کی تھی جب کہ رواں سال عبدالمالک ورلڈ کلاسک میں تیسرے نمبر پر رہے۔

عبدالمالک گزر اوقات کے ساتھ کراچی کے بازاروں میں خواتین کے پرس فروخت کرتے رہے اور تن سازی کے اخراجات پورا کرنے کے لیے فٹنس ٹرینر حیثیت سے بھی خدمات انجام دیتے رہے۔ امریکی شہر شگاگو سے میڈیا نمائندوں سے گفتگو کرتے ہوئے عبدالمالک کا کہنا تھا کہ عالمی مقابلوں میں شرکت کے لیے تیاریوں کا آغاز کر دیا ہے اور کامیابی کے لیے بہت پر امید ہوں۔                                                                                                                                                                                          

مزید متعلقہ خبریں پڑھئیے‎ :

وقت اشاعت : 01/10/2020 - 11:49:37

متعلقہ عنوان :

Your Thoughts and Comments