آکلینڈ ٹیسٹ میں بھارت کو مشکلات ،نیو زی لینڈ کے4وکٹ پر329رنز

آکلینڈ(اُردو پوائنٹ تازہ ترین اخبار۔ 6فروری 2014ء) بھارتی کرکٹ ٹیم کیلئے دورہ نیوزی لینڈ ڈراوٴنا خواب بنا ہوا ہے،ون ڈے سیریز چار صفر سے جیتنے والی کیوی ٹیم نے ٹیسٹ سیریز کا آغاز بھی شاندار انداز میں کیا ہے، آکلینڈ ٹیسٹ میں بھارتی بولرز نے نیوزی لینڈ کی تین وکٹ تو 30 رنز پر گرا دیں ،لیکن پھر ولیم سن اور برینڈن میک کولم نے شاندار بیٹنگ کی ،دونوں نے سنیچری بنائی،ولیم سن 113 رنز بنا کر آوٴٹ ہو ئے،لیکن جب پہلے دن کا کھیل ختم ہوامیک کولم 143 اور کورے اینڈرسن 42 رنز بنا کر وکٹ پر موجود تھے،نیوزی لینڈ کا اسکور چار وکٹ پر 329 ہو چکا تھا،ظہیر خان اور اشانت شرما نے دو دو وکٹیں لیں۔