باکسر عامر خان نے پاکستانی سیاست میں ’انٹری‘ سے معذرت کرلی

اس ضمن میں قابل ذکر بات یہ ہے کہ چند روز قبل برطانوی باکسر عامر خان نے پاکستانی سیاست میں حصہ لینے کا عندیہ دیاتھا ، جس کے بارے میں سماجی پلیٹ فارم ’فیس بک‘ پر جاری کی گئی ایک پوسٹ میں پاکستانی نژاد برطانوی باکسر نے لکھا کہ مجھ سے متعدد بار پوچھا گیا کیا میں پاکستانی سیاست میں شامل ہوتا ہوں؟ سپورٹس مین ہونے کے ناطے اور ملک کا سفیر ہونے کے ناطے مجھے یہ بتاتے ہوئے فخر ہوگا کہ میں سیاست میں حصہ لوں گا ، کیوں کہ اس طرح سے درحقیقت میں پاکستان کی خدمت کرنا پسند کروں گا ، پاکستان کو ایک بہتر جگہ بنانا اور بہت سے علاقوں میں بڑے پیمانے پر مددگار بننا پسند کروں گا جیسا کہ کھیل ، تعلیم ، بچوں کو مزدوری سے روکنا اور بہت سی دیگر چیزیں بھی شامل ہیں۔

(جاری ہے)

عامر خان نے لکھا کہ ہم سب ایک دن اس دنیا سے رخصت ہوجائیں گے لیکن جب تک زندہ ہیں، ہمیں دوسروں کے لیے کام کرتے رہنا چاہیئے ، میں نے متعدد سیاستدانوں اور فوج کے جرنیلوں کے ساتھ ملک کے موضوعات پر اتفاق رائے اور اختلاف بھی کیا ، میرا دل صاف اور میں پاکستان کی بھلائی چاہتا ہوں ، تاہم یہ دیکھنا ہوگا کہ معاملات کیسے ختم ہوتے ہیں ، جب کہ میرے ایک پرانے ساتھی اور فلپائن کے ورلڈ چیمپئن باکسر مانی پکاوائو بھی سیاست میں شامل ہوئے اور میں یہ دیکھ رہا ہوں کہ انہوں نے اپنے ملک کے لئے کتنے عظیم کام کیے اور مجھے علم ہے کہ پاکستان کے لیے میں بھی یہی کرسکتا ہوں تاہم یہ بہت بڑا فیصلہ ہوگا، جس کے بارے میں ایک دن اس پر غور کرسکتا ہوں ، میں اپنے مداحوں سے پوچھنا چاہوں گا کہ ان کا اس بارے میں کیا خیال ہے۔