سابق بھارتی کپتان کپل دیو دل کا دورہ پڑنے پر ہسپتال منتقل

 یاد رہے کہ حال ہی میں کپل دیو کی طرف سے پاک بھارت امدادی کرکٹ میچز کی تجویز مسترد کر دی گئی تھی ، سابق بھارتی کپتان کا کہناتھا کہ ہمارے ملک کو پیسے کی ضرورت نہیں، شعیب اختر کی تجویز پر ون ڈے سیریز کا خطرہ مول نہیں لیا جا سکتا، قبل ازیں سابق پاکستانی سابق سپیڈ سٹار نے کہا تھاکہ کورونا متاثرین کی امداد کیلیے روایتی حریفوں کے درمیان دبئی میں ون ڈے سیریز کرائی جائے، صرف ٹی وی پر میچزنشر کرنے سے حاصل شدہ آمدنی دونوں ملکوں کے ضرورت مندوں کے کام آسکتی ہے، اس تجویز کے جواب میں بھارتی ٹیم کے 60 سالہ سابق کپتان کپل دیو نے کہاکہ ہمیں پیسے کی ضرورت نہیں،بحرانی صورتحال سے نمٹنے کیلئے ہمارے پاس وسائل موجود ہیں، بھارتی کرکٹ بورڈ نے بھی51 کروڑ روپے کا فنڈ دیا، اگر ضرورت پڑی تو مزید رقم بھی جمع کرانے کی طاقت ہے، ابھی 5 یا 6 ماہ تک کرکٹ دوبارہ شروع ہونے کا امکان نظر نہیں آرہا ، موجودہ صورتحال میں صحت اور سلامتی کیلیے ہرممکن احتیاطی تدابیر اختیار کرنا اہمیت رکھتا ہے، کسی بھی نوعیت کا میچ کرانا بہت بڑا خطرہ مول لینے کے مترادف ہوگا، اس لیے شعیب اختر کی تجویز کسی طور پر بھی قابل عمل نہیں لگتی۔