امام الحق، عابدعلی اور حارث سہیل ٹی ٹونٹی سکواڈ سے باہر

لاہور (اردو پوائنٹ تازہ ترین اخبار ۔ 4 نومبر 2020ء ) پاکستانی ٹیم انتظامیہ نے ون ڈے سیریز کی کارکردگی پر امام الحق، عابد علی اور حارث سہیل کو ٹی20 سیریز میں شامل نہ کرنے کا فیصلہ کیا ہے ، حارث سہیل گروئن انجری کی وجہ سے پہلے ہی ٹی ٹونٹی ٹیم کا حصہ نہیں ہیں۔ ذرائع کا کہنا ہے کہ زمبابوے کے خلاف ٹی ٹونٹی ٹیم 19 رکنی ہوگی۔ قبل ازیں سلیکشن کمیٹی نے 22 کھلاڑیوں کا اعلان دونوں فارمیٹ کے لئے کیا تھا ،امکان ہے کہ بدھ کو ٹیم کا اعلان کیا جائے گا۔

(جاری ہے)

واضح رہے کہ ون ڈے سیریز ، جو آئی سی سی مینز کرکٹ ورلڈ کپ سپر لیگ کا حصہ تھی ، کل اختتام پذیر ہوئی جس کے بعد زمبابوے نے سپر اوور میں آخری میچ جیت لیا اور پاکستان نے سیریز میں 2-1 سے کامیابی حاصل کی۔ دونوں ٹیمیں اب پنڈی کرکٹ سٹیڈیم میں 7،8 اور 10 نومبر کو تین ٹی ٹونٹی میچ کھیلیں گی۔