واحد غیر سرکاری ٹیسٹ ،پاکستان شاہینز نے نیوزی لینڈ اے کو شکست دیدی

وانگرے (اردو پوائنٹ تازہ ترین اخبار ۔ 20 دسمبر 2020ء ) پاکستان شاہینز نے واحد غیر سرکاری ٹیسٹ میچ میں نیوزی لینڈ اے کو 89 رنز سے ہرادیا ۔ وانگرے میں کھیلے گئے میچ میں 298 رنز کے تعاقب میں نیوزی لینڈ اے کی پوری ٹیم 208 رنز بنا کر آؤٹ ہوگئی ۔عماد بٹ اور نسیم شاہ نے 3،3 کھلاڑیوں کو پویلین بھیجا۔ لیگ سپنر یاسر شاہ نے دو جب کہ سہیل خان اور محمد عباس نے ایک ،ایک وکٹ حاصل کی۔

(جاری ہے)

نیتھن سمتھ نے 45 رنز بنائے ، کپتان مائیکل بریسویل اور جو کارٹر نے 30 ،30 سکور کیے۔ اس سے قبل پہلی اننگز میں پاکستان شاہینز کے 194 رنز کے جواب میں نیوزی لینڈ اے کی پوری ٹیم 226 رنز بنا کر آؤٹ ہوگئی تھی ۔دوسری اننگز میں فواد عالم اور کپتان روحیل نذیر کی سنچریوں کی بدولت پاکستان شاہینز نے 329 رنز بنائے تھے۔