الکوحل کے بغیر جیت کا جشن، لیورپول نے سالوں پرانی روایت بدل ڈالی
محمد صلاح اور مانے کی وجہ سے فتح کا جشن الکوحل کے بغیر مشروب کے ساتھ منایا گیا
ذیشان مہتاب پیر 21 دسمبر 2020 17:00
لندن (اردو پوائنٹ تازہ ترین اخبار ۔ 21 دسمبر 2020ء ) انگلش فٹبال کلب لیورپول نے مسلمان کھلاڑیوں کے مذہبی جذبات کا احترام کرتے ہوئے سالوں پرانی روایت بدلتے ہوئے پریمئیر لیگ میں کامیابی کا جشن شراب کے بغیرمنایا ۔ کپتان جورڈن ہینڈرسن نے انکشاف کیا کہ مصری فٹ بالر محمد صلاح اور سادیو مانے کی وجہ سے فتح کا جشن الکوحل کے بغیر مشروب کے ساتھ منایا گیا، انگلش پریمیئرلیگ میں فتح کے بعد مسلم کھلاڑیوں کے مذہبی جذبات کا احترام کرتے ہوئے جشن میں شراب استعمال نہیں کی گئی۔
لیورپول فٹبال کلب نے 30 سال بعد جون 2020ء میں پہلا انگلش ٹائٹل جیتا تھا۔ کپتان ہینڈرسن ایک انٹرویو میں بتایا کہ ٹیم کے فتح کے جشن میں سٹیج پر جو شیمپین استعمال کی گئی اس میں الکوحل نہیں تھی۔
اس سے قبل ستمبر میں ایسیکس کے کپتان ٹام ویسلی نے کائونٹی چیمپئن شپ جیتنے کے بعد جشن کے دوران ایک مسلمان کھلاڑی فیروز خوشلی پر الکوحل ڈالے جانے کے بعد معافی مانگی تھی۔
واضح رہے کہ اس سے پہلے انگلینڈ کرکٹ ٹیم نے 2019ء کے ورلڈ کپ میں فتح کا جشن لیگ سپنر عادل رشید اور آل رائونڈر معین علی کی موجودگی میں شراب کے بغیر منایا تھا، دونوں کھلاڑیوں کے سٹیج سے جانے کے بعد شیمپئن استعمال کی گئی۔
(جاری ہے)
وقت اشاعت : 21/12/2020 - 17:00:03
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیشنل ویمنز ون ڈے ٹورنامنٹ میں کراچی ، لاہور اور ملتان نے اپنے میچز میں کامیابی حاصل کرلی
-
چیئرمین پی سی بی کی دعوت پر بے سہارا ،یتیم بچے پاک نیوزی لینڈ سیریز کا چوتھا میچ دیکھیں گے
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
قومی نیٹ بال چیمپئن شپ 27جون سے اسلام آباد میں کھیلی جائے گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا