کراچی کنگز نے ڈگی براؤن کو اسسٹنٹ کوچ مقرر کیا

لاہور (اردو پوائنٹ تازہ ترین اخبار ۔ 9 جنوری 2021ء )  پی ایس ایل چیمپئن کراچی کنگز نے سکاٹ لینڈ کے سابق کرکٹر اور متحدہ عرب امارات کے موجودہ کوچ ڈگی براؤن کو پاکستان سپر لیگ (پی ایس ایل) سیزن 6 کے لئے اسسٹنٹ کوچ مقرر کیا گیا ہے۔

(جاری ہے)

کراچی کنگز جو 20 فروری سے شروع ہونے والے پی ایس ایل 6 میں بھی ٹائٹل کا دفاع کریں گے ، نے پہلے ہی سابق جنوبی افریقی اوپنر ہرشل گبز کو ٹیم کا نیا ہیڈ کوچ مقرر کیا تھا۔

51 سالہ ڈگی براؤن نے 1997ء میں انگلینڈ کے لئے ون ڈے ڈیبیو کیا اور 2007ء تک 25 ون ڈے اور دو ٹی ٹونٹی میچز کھیلے ۔ یہاں یہ واضح رہے کہ کراچی کنگز نے نیشنل سٹیڈیم ،کراچی میں لاہور قلندرز کو شکست دے کر پی ایس ایل 5 جیتا تھا۔